SportPress.kz Qazaqstan sport jańalyqtary
Iraktyń Súleımanııa qalasynda sadaq atýdan Azııa kýbogi jolyndaǵy jarys aıaqtaldy, dep habarlady Ulttyq Olımpıada komıteti.
Atalǵan jarysta ulttyq qurama on medal jeńip aldy. Onyń úsheýi altyn, beseýi kúmis jáne ekeýi qola júlde.
Bloktyq sadaq atýdan jekeleı saıysta Pavel Kýzneov altyn júlde alsa, Nıkıta Ivlev kúmis medalǵa ıe boldy.
Áıelder arasyndaǵy jekeleı básekede Mılana Býrleva ekinshi oryn aldy.
Klassıkalyq sadaq atýdan áıelder arasyndaǵy jekeleı saıysta Aleksandra Zemlıanova úzdik úshtikti túıindedi.
Sondaı-aq erler quramasy bloktyq sadaq atýdan komandalyq básekede top jardy. Ulttyq qurama sapynda Nıkıta Ivlev, Pavel Kýzneov pen Islam Serikuly baq synady. Al áıelder quramasy kúmis júldeni ıelendi.
Bul saıysta Mılana Býrleva, Elmıra Raısova men Aıajan Jaqsylyq el namysyn qorǵady.
Qazaqstan aralas komandalyq básekede de altyn júldeger atandy. Bul synda Pavel Kýzneov pen Elmıra Raısova óner kórsetti.
Budan bólek, erler quramasy klassıkalyq sadaq atýdan komandalyq jarysta ekinshi satyǵa jaıǵasty. Bul básekede Ivan Bercha, Rahymjan Qamar men Sanjar Erjanuly baq synady. Nazerkesh Álibek, Iasmın Ǵalıahmet pen Aleksandra Zemlıanovadan quralǵan komanda áıelder arasynda kúmis júlde aldy. Al Ivan Bercha men Aleksandra Zemlıanova aralas komandalyq jarysta jeńis tuǵyrynyń úshinshi satysyna kóterildi.
