سەنەگالدىڭ داكار قالاسىندا جاسوسپىرىمدەر اراسىندا ءوتىپ جاتقان وليمپيادادا تاسجولداعى ۆەلوسپورتتان قازاقستان قۇراماسىنىڭ وكىلى انەل ءتاشباي جەڭىس تۇعىرىنا كوتەرىلدى.
ول جەكەلەي ۋاقىتتا قاشىقتىقتى 11 مينۋت 32.57 سەكۋندتا ءجۇرىپ ءوتىپ، مارەگە ءبىرىنشى بولىپ جەتتى.
ەكىنشى ورىن سلوۆاكيانىڭ سپورتشىسى كارولينا گايدۋكوۆاعا بۇيىردى. مارە سىزىعىن 11 مينۋت 37.62 سەكۋندتتا كەسىپ، كۇمىس جۇلدە الدى. ال رەسەيلىك انگەلينا نوۆولودسكايا 11 مينۋت 43.65 سەكۋند ناتيجەمەن ءۇشىنشى ورىنعا يە بولدى.
وسىمەن قازاقستان قۇراماسىنىڭ قورجىنىندا ءۇش مەدال بار. بۇعان دەيىن دزيۋدوشى فاتيما سۇپىعاليەۆا التىن مەدال السا، ترياتلونشى رامازان اينەگوۆ قولا مەدالدى يەلەنگەن ەدى.
داستان كەنجالين،
استانا
SportPress.kz قازاقستان سپورت جاڭالىقتارى