Veloshabandoz Ánel Táshbaı Olımpıadada top jardy

Senegaldyń Dakar qalasynda jasóspirimder arasynda ótip jatqan Olımpıadada tasjoldaǵy velosporttan Qazaqstan quramasynyń ókili Ánel Táshbaı jeńis tuǵyryna kóterildi.

Ol jekeleı ýaqytta qashyqtyqty 11 mınýt 32.57 sekýndta júrip ótip, márege birinshi bolyp jetti.

Ekinshi oryn Slovakııanyń sportshysy Karolına Gaıdýkovaǵa buıyrdy. Máre syzyǵyn 11 mınýt 37.62 sekýndtta kesip, kúmis júlde aldy. Al reseılik Angelına Novolodskaıa 11 mınýt 43.65 sekýnd nátıjemen úshinshi orynǵa ıe boldy.

Osymen Qazaqstan quramasynyń qorjynynda úsh medal bar. Buǵan deıin dzıýdoshy Fatıma Supyǵalıeva altyn medal alsa, trıatlonshy Ramazan Áınegov qola medaldi ıelengen edi.

Dastan KENJALIN,

ASTANA