قازاقستان كاسىپقوي فۋتزال ليگاسى ءوز جوبالارىن تانىستىردى

قازاقستان كاسىپقوي فۋتزال ليگاسى فۋتزالدى دامىتۋ ستراتەگياسىن، رەسمي سەرىكتەستەرى 1xBet پەن Joma-نى، سونداي-اق شۆەيتساريالىق Blocksport كومپانياسىمەن بىرلەسىپ ازىرلەپ جاتقان ءوز سايتى مەن ءموبيلدى قوسىمشاسىن تانىستىردى، دەپ حابارلادى قازاقستان كاسىپقوي فۋتزال ليگاسىنىڭ ءباسپاسوز قىزمەتى.

قازاقستان كاسىپقوي فۋتزال ليگاسى (قكفل) العاش رەت ءوز قىزمەتىن كوپشىلىك الدىندا تانىستىردى. كەزدەسۋدە ليگا باسشىلىعى 2026/2027 جىلعى فۋتزال ماۋسىمىنىڭ العاشقى ناتيجەلەرى تۋرالى باياندادى.

چەمپيوناتتا العاش رەت Video Support جۇيەسى قولدانىلىپ جاتىر، سۋپەرليگا ماتچتارى التى كامەرامەن تۇسىرىلەدى. ال ليگانىڭ 1xBet جانە Joma اتتى رەسمي سەرىكتەستەرى پايدا بولدى. سونىمەن قاتار ليگا بارلىق قاتىسۋشىعا جۇلدەاقى قاراستىرىلعان كوممەرتسيالىق تۋرنير — ليگا كۋبوگىنىڭ باستالاتىنىن جانە رەسمي سايت پەن ءموبيلدى قوسىمشانىڭ ازىرلەنىپ جاتقانىن حابارلادى.

باسقوسۋعا قكفل پرەزيدەنتى تالعات قوسمۇحامبەتوۆ، ۆيتسە-پرەزيدەنتى دانيار الي، 1xBet برەند-ديرەكتورى سانجار توكتاسىن مەن قازاقستاندا Joma برەندىنىڭ وكىلى VT Trade كومپانياسىنىڭ ديرەكتورى انارا تاۋەتاەۆا قاتىستى.

قازاقستان فۋتزالى دامۋىنىڭ جاڭا كەزەڭى

2026 جىلعى قىركۇيەكتىڭ باسىندا قازاقستان فۋتبول فەدەراتسياسىمەن (قفف) بىرلەسكەن جۇمىستىڭ ناتيجەسىندە كاسىپقوي فۋتزالدى دامىتۋ قۇقىعى قكفل-عا ءۇش جىل مەرزىمگە بەرىلدى. ليگا پرەزيدەنتى بولىپ تالعات قوسمۇحامبەتوۆ سايلاندى. ونىڭ كانديداتۋراسىن كلۋبتار ۇسىنىپ، سايلاۋدا ءبىراۋىزدان قولدادى.

قىسقا ۋاقىتتا قكفل ءوز قىزمەتىنە دەمەۋشىلىك ينۆەستيتسيالار تارتتى. قكفل-نىڭ ماقساتى — ەلىمىزدە فۋتزالدى مىقتى كوممەرتسيالىق ونىمگە اينالدىرىپ، كلۋبتاردىڭ تەك بيۋدجەتتىك قارجىلاندىرۋعا تاۋەلدى بولماۋىنا جاعداي جاساۋ. مەملەكەتتىك قولداۋمەن قاتار، كلۋبتار جەكە ينۆەستيتسيالار مەن ليگانىڭ تەلەترانسلياتسيالار ءۇشىن تولەيتىن تولەمدەرىن قوسا العاندا، قوسىمشا قارجى كوزدەرىنە جەتە الادى.

ليگا كۋبوگى: ءار كلۋبقا جۇلدەاقى

بۇل مودەلگە كوشۋدىڭ العاشقى قادامى قكفل-نىڭ جاڭا كوممەرتسيالىق ءتۋرنيرى — ليگا كۋبوگى بولادى. ول 2027 جىلعى 7–10 قاڭتار ارالىعىندا اقتاۋدا وتەدى. تۋرنيرگە ءبىرىنشى اينالىم قورىتىندىسى بويىنشا سۋپەرليگانىڭ ۇزدىك سەگىز كلۋبى قاتىسادى.

«اقشالاي سىياقىنى ءاربىر كلۋبتىڭ، ءتىپتى سوڭعى ورىن العان كلۋبتىڭ دا الۋى ءبىز ءۇشىن وتە ماڭىزدى. بۇل — كلۋبتار تىكەلەي ليگادان تابىس تاباتىن مودەلگە كوشۋدىڭ العاشقى قادامدارىنىڭ ءبىرى»، دەدى تالعات قوسمۇحامبەتوۆ.

«ليگا — تەك ماتچتار كۇنتىزبەسى عانا ەمەس»

قكفل پرەزيدەنتى تالعات قوسمۇحامبەتوۆ ليگانىڭ باستى مىندەتى كلۋبتار، سەرىكتەستەر، تەلەارنالار، باق پەن جانكۇيەرلەر ورتاق ەرەجەلەر بويىنشا جۇمىس ىستەيتىن تۇراقتى كاسىپقوي جۇيە قالىپتاستىرۋ ەكەنىن اتاپ ءوتتى.

«زاماناۋي ليگا تەك كۇنتىزبە قۇرۋمەن، ماتچتاردى ۇيىمداستىرۋمەن جانە سپورتتىق قورىتىندى شىعارۋمەن شەكتەلمەۋى ءتيىس. ءبىز قكفل-نىڭ بىرىڭعاي كاسىپقوي پلاتفورماعا اينالعانىن قالايمىز. ونىڭ جۇمىسى تۇسىنىكتى ەرەجەلەرگە، اشىقتىققا جانە كلۋبتاردىڭ، سەرىكتەستەردىڭ، جۋرناليستەردىڭ، ارينە، جانكۇيەرلەردىڭ سەنىمىنە نەگىزدەلۋى كەرەك»، دەدى تالعات قوسمۇحامبەتوۆ.

ونىڭ ايتۋىنشا، ليگا بارلىق كلۋب ءۇشىن ماتچ وتكىزۋگە قويىلاتىن بىرىڭعاي تالاپتاردى ەنگىزەدى.

«كاسىبي ستاندارتتار كلۋبتىڭ تاريحىنا، بيۋدجەتىنە نەمەسە سپورتتىق ناتيجەسىنە قاراماستان، بارلىق قاتىسۋشىعا بىردەي قولدانىلۋى ءتيىس»، دەدى ول.

قكفل پرەزيدەنتى سونداي-اق «قايرات» پەن «سەمەيدىڭ» ۋەفا چەمپيوندار ليگاسىنداعى ونەرىن ەرەكشە اتاپ ءوتتى. بۇل كلۋبتىق فۋتزالدىڭ ەۋروپادا تانىلۋىنا ىقپال ەتەدى.

Video Support: قازاقستان بەينەقايتالاۋ جۇيەسىن قولداناتىن چەمپيوناتتار قاتارىندا

2026/27 ماۋسىمىنان باستاپ فۋتزالدان قازاقستان چەمپيوناتىندا العاش رەت Video Support — ماڭىزدى ەپيزودتاردى تەكسەرۋگە ارنالعان تورەشىلەردى بەينەقولداۋ جۇيەسى جۇمىس ىستەپ جاتىر. ماقساتى جاعىنان ول ۇلكەن فۋتبولداعى VAR جۇيەسىنە ۇقسايدى. الايدا فۋتزال ەرەجەلەرىندە كوزدەلگەن جەكە رەگلامەنت بويىنشا قولدانىلادى. وسىنداي جۇيەلەر ەۋروپانىڭ جەتەكشى فۋتزال چەمپيوناتتارىندا، سونىڭ ىشىندە يسپانيا مەن پورتۋگاليادا پايدالانىلادى.

«قازىرگى فۋتزالدا تورەشى قاتەلىگىنىڭ قۇنى قانشالىقتى ماڭىزدى ەكەنىن جاقسى تۇسىنەمىز. ەندى قازاقستان دا وسى تەحنولوگيانى ەنگىزگەن ۇلتتىق چەمپيوناتتار قاتارىنا قوسىلدى»، دەدى تالعات قوسمۇحامبەتوۆ.

جۇيەنى ودان ءارى دامىتۋ مامانداردى دايارلاۋدى، تەحنيكالىق جاراقتاندىرۋدى جانە كلۋبتارمەن ءارى تورەشىلەر كورپۋسىمەن جۇمىستى قامتيدى.

سۋپەرليگانىڭ ءار ماتچىندا التى كامەرا

ماۋسىمداعى ەكىنشى ماڭىزدى وزگەرىس — تەلەترانسلياتسيا ءوندىرىسىنىڭ جاڭا ستاندارتى. ەندى سۋپەرليگا ماتچتارى التى كامەرامەن تۇسىرىلەدى. بۇل ويىننىڭ ءتۇرلى راكۋرستارىن كورسەتۋگە، ماڭىزدى ساتتەردىڭ ساپالى قايتالاۋىن ۇسىنۋعا جانە ماتچ قارقىنىن كورەرمەنگە جاقسىراق جەتكىزۋگە مۇمكىندىك بەرەدى. ترانسلياتسيالار QSport، Qazsport جانە SportPlus تەلەارنالارىندا كورسەتىلەدى. ليگا ولارمەن بىرگە بەينەساپا، گرافيكا، كوممەنتاتورلىق جۇمىس جانە وپەراتورلىق ءتۇسىرىلىم ساپاسىن جەتىلدىرۋدە.

«Video Support جۇيەسىن ەنگىزۋ جانە التى كامەرالى ترانسلياتسيالارعا كوشۋ — وسى ماۋسىمنىڭ وزىندە سۋپەرليگانىڭ كاسىبي ستاندارتتارىن قالاي كوتەرىپ جاتقانىمىزدىڭ ەكى ناقتى مىسالى. تەلەۆيزيالىق ءونىمنىڭ ساپاسى نەعۇرلىم جاقسى بولسا، چەمپيونات كورەرمەن مەن سەرىكتەستەر ءۇشىن سوعۇرلىم تارتىمدى بولادى»، دەدى قكفل ۆيتسە-پرەزيدەنتى دانيار ءالي.

سەرىكتەستەر: 1xBet جانە Joma

1xBet كومپانياسى 2026/27 ماۋسىمىندا سۋپەرليگانىڭ نەگىزگى سەرىكتەستەرىنىڭ بىرىنە اينالدى. برەند «بارسەلونا» مەن «پاري سەن-جەرمەن» فۋتبول كلۋبتارىمەن، ال ەلىمىزدە فۋتبولدان «قايرات» كلۋبىمەن ىنتىماقتاسادى. «1xBet تۋردىڭ باستى ماتچى» بىرلەسكەن جوباسى جەكەلەگەن ماتچتاردىڭ مەديادا كەڭىرەك جاريالانۋىنا، ال جانكۇيەرلەر ءۇشىن ارنايى بەلسەندىلىكتەر ۇيىمداستىرۋعا مۇمكىندىك بەرەدى.

«قازاقستان كاسىپقوي فۋتزال ليگاسىمەن ىنتىماقتاستىقتى باستاعانىمىزعا قۋانىشتىمىز. سەرىكتەستىك اياسىندا بىرنەشە بىرلەسكەن جوبانى، سونىڭ ىشىندە سۋپەرليگانىڭ ماڭىزدى كەزدەسۋلەرىن كورەرمەندەر ءۇشىن ودان ءارى قىزىقتى ەتەتىن «1xBet تۋردىڭ باستى ماتچى» باستاماسىن جۇزەگە اسىرۋدى جوسپارلاپ وتىرمىز.

ءبىز جانكۇيەرلەرمەن بايلانىستى نىعايتۋعا، ارنايى ءىس-شارالار وتكىزۋگە جانە قوسىمشا كونتەنت جاساۋعا ەرەكشە كوڭىل بولەمىز. ورتاق ماقساتىمىز —ەلىمىزدە فۋتزالدى كەڭىنەن ناسيحاتتاۋ، چەمپيوناتقا قىزىعۋشىلىقتى ارتتىرۋ جانە جاڭا اۋديتوريا تارتۋ»، دەدى 1xBet برەند-ديرەكتورى سانجار توكتاسىن.

يسپانيالىق Joma برەندى قكفل-نىڭ رەسمي تەحنيكالىق سەرىكتەسى اتاندى. ول ليگانى فۋتزال دوپتارىمەن جانە تورەشىلەر ەكيپيروۆكاسىمەن قامتاماسىز ەتەدى، سونداي-اق چەمپيونات كلۋبتارىمەن جۇمىس ىستەيدى. Joma سەرىكتەستەرىنىڭ قاتارىندا «رەال سوسەداد»، «ۆيلياررەال»، «برەنتفورد»، «فيورەنتينا»، «تورينو» كلۋبتارى جانە يسپانيانىڭ جەتەكشى فۋتزال چەمپيوناتى Liga Prime بار.

«قازاقستان كاسىپقوي فۋتزال ليگاسىمەن ىنتىماقتاستىق تۋرالى جاريالاۋ ءبىز ءۇشىن ۇلكەن مارتەبە. سەرىكتەستىكتىڭ العاشقى ماۋسىمىندا-اق العا قويعان مىندەتتەرىمىزدى ورىندادىق: تورەشىلەر كورپۋسى مەن ليگا قىزمەتكەرلەرىن Joma ەكيپيروۆكاسىمەن قامتاماسىز ەتتىك، سونداي-اق قازاقستان كۋبوگى مەن ليگا كۋبوگىنە برەندتىڭ رەسمي دوپتارىن ۇسىندىق.

كەلەسى ماۋسىمدا ىنتىماقتاستىقتى كەڭەيتىپ، Joma دوپتارىن قازاقستان سۋپەرليگاسىندا دا قولدانۋدى جوسپارلاپ وتىرمىز. بۇل سەرىكتەستىكتى دامىتۋعا Joma-نىڭ يسپانياداعى جاھاندىق كەڭسەسى دە مۇددەلى ەكەنىن اتاپ وتكەن ءجون.

سونىمەن قاتار قكفل-مەن بىرلەسىپ، ليگا اياسىندا وتەتىن بارلىق ىشكى فۋتزال تۋرنيرلەرىنە ارنالعان دوپتاردىڭ ەكسكليۋزيۆتى ديزاينىن ازىرلەپ جاتىرمىز. بۇل ىنتىماقتاستىق قازاقستاندىق فۋتزالدى دامىتۋعا جانە ونىڭ كاسىبي ستاندارتتارىن ارتتىرۋعا ماڭىزدى ۇلەس قوساتىنىنا سەنىمدىمىز»،  دەدى قازاقستاندا Joma برەندىنىڭ وكىلى VT Trade كومپانياسىنىڭ ديرەكتورى انار تاۋەتاەۆا.

تسيفرلىق ونىمدەر جانە مەديا

ليگا تەحنولوگيالىق سەرىكتەسى Blocksport-پەن بىرلەسىپ، چەمپيونات، كلۋبتار مەن ويىنشىلار تۋرالى اقپارات قامتىلاتىن قكفل-نىڭ رەسمي سايتى مەن ءموبيلدى قوسىمشاسىن ازىرلەپ جاتىر. ىسكە قوسىلۋ مەرزىمى قوسىمشا حابارلانادى. اقپاراتتىق سەرىكتەس Meta Ratings سۋپەرليگا كلۋبتارىنا تەگىن سايتتار جاساپ بەرەدى.

ليگانىڭ مەدياجوبالارى قاتارىندا Red Bull Kazakhstan-پەن بىرلەسىپ، سۋپەرليگا ويىنشىلارىنىڭ قاتىسۋىمەن وتكىزىلگەن EA SPORTS FC 27 بويىنشا Red Bull Wings Cup، ۇزدىك گولدار مەن سەيۆتەر توپتامالارى، جەكە ماراپاتتار، ويىنشىلاردىڭ وقيعالارى جانە «ءبىزدىڭ فۋتزال» باعدارلاماسى بار. سۋپەرليگا برەندىن ىلگەرىلەتۋ جانە كوممەرتسيالىق جوبالارمەن Huddle سپورتتىق ماركەتينگ اگەنتتىگى اينالىسادى.

«ءبىزدىڭ مىندەتىمىز — فۋتزالعا دەگەن قىزىعۋشىلىقتىڭ تەك ماتچ كۇندەرىمەن شەكتەلمەۋىن قامتاماسىز ەتۋ. چەمپيونات كۇن سايىن جاڭالىقتاردا، الەۋمەتتىك جەلىلەردە، تەلەباعدارلامالاردا، سۇحباتتار مەن ويىنشىلار تۋرالى وقيعالاردا كورىنىس تاپقانىن قالايمىز»، دەپ اتاپ ءوتتى دانيار ءالي.

الداعى جىلدارعا ارنالعان جوسپارلار

قكفل ءۇش باسىم باعىتتى ايقىندادى: ءبىرىنشىسى، جارىستاردى ۇيىمداستىرۋ — ماتچ وتكىزۋدىڭ بىرىڭعاي كاسىبي ستاندارتتارىن ەنگىزۋ جانە كوماندالار، ويىنشىلار مەن جانكۇيەرلەر ءۇشىن قولايلى جاعداي جاساۋ.

ەكىنشىسى، كوممەرتسيالىق دامۋ — ليگا مەن كلۋبتاردىڭ تۇراقتى دامۋى ءۇشىن جاڭا سەرىكتەستەر مەن تابىس كوزدەرىن تارتۋ.

فۋتزالدى تانىمال ەتۋ — جاڭا اۋديتوريا تارتۋ، كلۋبتار مەن ويىنشىلاردىڭ وقيعالارىن تانىستىرۋ، بالالاردى سپورتقا باۋلۋ.

قازاقستان كاسىپقوي فۋتزال ليگاسى (قكفل) — فۋتزالدان قازاقستان چەمپيوناتىنىڭ جوعارى ديۆيزيونى سانالاتىن سۋپەرليگانىڭ، قازاقستان كۋبوگى مەن سۋپەركۋبوگىنىڭ، سونداي-اق كوممەرتسيالىق ليگا كۋبوگى ءتۋرنيرىنىڭ ۇيىمداستىرۋشىسى. قكفل جارىستاردى وتكىزۋ ستاندارتتارىنا، تەلەۆيزيالىق جانە تسيفرلىق ونىمدەرگە، كلۋبتارمەن جانە كوممەرتسيالىق سەرىكتەستەرمەن جۇمىسقا جاۋاپ بەرەدى.