SportPress.kz Qazaqstan sport jańalyqtary
Qazaqstan kásipqoı fýtzal lıgasy fýtzaldy damytý strategııasyn, resmı seriktesteri 1xBet pen Joma-ny, sondaı-aq shveıarııalyq Blocksport kompanııasymen birlesip ázirlep jatqan óz saıty men mobıldi qosymshasyn tanystyrdy, dep habarlady Qazaqstan kásipqoı fýtzal lıgasynyń baspasóz qyzmeti.
Qazaqstan kásipqoı fýtzal lıgasy (QKFL) alǵash ret óz qyzmetin kópshilik aldynda tanystyrdy. Kezdesýde Lıga basshylyǵy 2026/2027 jylǵy fýtzal maýsymynyń alǵashqy nátıjeleri týraly baıandady.
Chempıonatta alǵash ret Video Support júıesi qoldanylyp jatyr, Sýperlıga matchtary alty kameramen túsiriledi. Al Lıganyń 1xBet jáne Joma atty resmı seriktesteri paıda boldy. Sonymen qatar Lıga barlyq qatysýshyǵa júldeaqy qarastyrylǵan kommerııalyq týrnır — Lıga kýboginiń bastalatynyn jáne resmı saıt pen mobıldi qosymshanyń ázirlenip jatqanyn habarlady.
Basqosýǵa QKFL prezıdenti Talǵat Qosmuhambetov, vıe-prezıdenti Danııar Alı, 1xBet brend-dırektory Sanjar Toktasyn men Qazaqstanda Joma brendiniń ókili VT Trade kompanııasynyń dırektory Anara Taýetaeva qatysty.
Qazaqstan fýtzaly damýynyń jańa kezeńi
2026 jylǵy qyrkúıektiń basynda Qazaqstan fýtbol federaııasymen (QFF) birlesken jumystyń nátıjesinde kásipqoı fýtzaldy damytý quqyǵy QKFL-ǵa úsh jyl merzimge berildi. Lıga prezıdenti bolyp Talǵat Qosmuhambetov saılandy. Onyń kandıdatýrasyn klýbtar usynyp, saılaýda biraýyzdan qoldady.
Qysqa ýaqytta QKFL óz qyzmetine demeýshilik ınvestıııalar tartty. QKFL-nyń maqsaty — elimizde fýtzaldy myqty kommerııalyq ónimge aınaldyryp, klýbtardyń tek bıýdjettik qarjylandyrýǵa táýeldi bolmaýyna jaǵdaı jasaý. Memlekettik qoldaýmen qatar, klýbtar jeke ınvestıııalar men Lıganyń teletranslıaııalar úshin tóleıtin tólemderin qosa alǵanda, qosymsha qarjy kózderine jete alady.
Lıga kýbogi: ár klýbqa júldeaqy
Bul modelge kóshýdiń alǵashqy qadamy QKFL-nyń jańa kommerııalyq týrnıri — Lıga kýbogi bolady. Ol 2027 jylǵy 7–10 qańtar aralyǵynda Aqtaýda ótedi. Týrnırge birinshi aınalym qorytyndysy boıynsha Sýperlıganyń úzdik segiz klýby qatysady.
«Aqshalaı syıaqyny árbir klýbtyń, tipti sońǵy oryn alǵan klýbtyń da alýy biz úshin óte mańyzdy. Bul — klýbtar tikeleı Lıgadan tabys tabatyn modelge kóshýdiń alǵashqy qadamdarynyń biri», dedi Talǵat Qosmuhambetov.
«Lıga — tek matchtar kúntizbesi ǵana emes»
QKFL prezıdenti Talǵat Qosmuhambetov Lıganyń basty mindeti klýbtar, seriktester, telearnalar, BAQ pen jankúıerler ortaq erejeler boıynsha jumys isteıtin turaqty kásipqoı júıe qalyptastyrý ekenin atap ótti.
«Zamanaýı lıga tek kúntizbe qurýmen, matchtardy uıymdastyrýmen jáne sporttyq qorytyndy shyǵarýmen shektelmeýi tıis. Biz QKFL-nyń biryńǵaı kásipqoı platformaǵa aınalǵanyn qalaımyz. Onyń jumysy túsinikti erejelerge, ashyqtyqqa jáne klýbtardyń, seriktesterdiń, jýrnalısterdiń, árıne, jankúıerlerdiń senimine negizdelýi kerek», dedi Talǵat Qosmuhambetov.
Onyń aıtýynsha, Lıga barlyq klýb úshin match ótkizýge qoıylatyn biryńǵaı talaptardy engizedi.
«Kásibı standarttar klýbtyń tarıhyna, bıýdjetine nemese sporttyq nátıjesine qaramastan, barlyq qatysýshyǵa birdeı qoldanylýy tıis», dedi ol.
QKFL prezıdenti sondaı-aq «Qaırat» pen «Semeıdiń» ÝEFA Chempıondar lıgasyndaǵy ónerin erekshe atap ótti. Bul klýbtyq fýtzaldyń Eýropada tanylýyna yqpal etedi.
Video Support: Qazaqstan beıneqaıtalaý júıesin qoldanatyn chempıonattar qatarynda
2026/27 maýsymynan bastap fýtzaldan Qazaqstan chempıonatynda alǵash ret Video Support — mańyzdy epızodtardy tekserýge arnalǵan tóreshilerdi beıneqoldaý júıesi jumys istep jatyr. Maqsaty jaǵynan ol úlken fýtboldaǵy VAR júıesine uqsaıdy. Alaıda fýtzal erejelerinde kózdelgen jeke reglament boıynsha qoldanylady. Osyndaı júıeler Eýropanyń jetekshi fýtzal chempıonattarynda, sonyń ishinde Ispanııa men Portýgalııada paıdalanylady.
«Qazirgi fýtzalda tóreshi qateliginiń quny qanshalyqty mańyzdy ekenin jaqsy túsinemiz. Endi Qazaqstan da osy tehnologııany engizgen ulttyq chempıonattar qataryna qosyldy», dedi Talǵat Qosmuhambetov.
Júıeni odan ári damytý mamandardy daıarlaýdy, tehnıkalyq jaraqtandyrýdy jáne klýbtarmen ári tóreshiler korpýsymen jumysty qamtıdy.
Sýperlıganyń ár matchynda alty kamera
Maýsymdaǵy ekinshi mańyzdy ózgeris — teletranslıaııa óndirisiniń jańa standarty. Endi Sýperlıga matchtary alty kameramen túsiriledi. Bul oıynnyń túrli rakýrstaryn kórsetýge, mańyzdy sátterdiń sapaly qaıtalaýyn usynýǵa jáne match qarqynyn kórermenge jaqsyraq jetkizýge múmkindik beredi. Translıaııalar QSport, Qazsport jáne SportPlus telearnalarynda kórsetiledi. Lıga olarmen birge beınesapa, grafıka, kommentatorlyq jumys jáne operatorlyq túsirilim sapasyn jetildirýde.
«Video Support júıesin engizý jáne alty kameraly translıaııalarǵa kóshý — osy maýsymnyń ózinde Sýperlıganyń kásibı standarttaryn qalaı kóterip jatqanymyzdyń eki naqty mysaly. Televızııalyq ónimniń sapasy neǵurlym jaqsy bolsa, chempıonat kórermen men seriktester úshin soǵurlym tartymdy bolady», dedi QKFL vıe-prezıdenti Danııar Álı.
Seriktester: 1xBet jáne Joma
1xBet kompanııasy 2026/27 maýsymynda Sýperlıganyń negizgi seriktesteriniń birine aınaldy. Brend «Barselona» men «Parı Sen-Jermen» fýtbol klýbtarymen, al elimizde fýtboldan «Qaırat» klýbymen yntymaqtasady. «1xBet týrdyń basty matchy» birlesken jobasy jekelegen matchtardyń medıada keńirek jarııalanýyna, al jankúıerler úshin arnaıy belsendilikter uıymdastyrýǵa múmkindik beredi.
«Qazaqstan kásipqoı fýtzal lıgasymen yntymaqtastyqty bastaǵanymyzǵa qýanyshtymyz. Seriktestik aıasynda birneshe birlesken jobany, sonyń ishinde Sýperlıganyń mańyzdy kezdesýlerin kórermender úshin odan ári qyzyqty etetin «1xBet týrdyń basty matchy» bastamasyn júzege asyrýdy josparlap otyrmyz.
Biz jankúıerlermen baılanysty nyǵaıtýǵa, arnaıy is-sharalar ótkizýge jáne qosymsha kontent jasaýǵa erekshe kóńil bólemiz. Ortaq maqsatymyz —elimizde fýtzaldy keńinen nasıhattaý, chempıonatqa qyzyǵýshylyqty arttyrý jáne jańa aýdıtorııa tartý», dedi 1xBet brend-dırektory Sanjar Toktasyn.
Ispanııalyq Joma brendi QKFL-nyń resmı tehnıkalyq seriktesi atandy. Ol Lıgany fýtzal doptarymen jáne tóreshiler ekıpırovkasymen qamtamasyz etedi, sondaı-aq chempıonat klýbtarymen jumys isteıdi. Joma seriktesteriniń qatarynda «Real Sosedad», «Vılıarreal», «Brentford», «Fıorentına», «Torıno» klýbtary jáne Ispanııanyń jetekshi fýtzal chempıonaty Liga Prime bar.
«Qazaqstan kásipqoı fýtzal lıgasymen yntymaqtastyq týraly jarııalaý biz úshin úlken mártebe. Seriktestiktiń alǵashqy maýsymynda-aq alǵa qoıǵan mindetterimizdi oryndadyq: tóreshiler korpýsy men Lıga qyzmetkerlerin Joma ekıpırovkasymen qamtamasyz ettik, sondaı-aq Qazaqstan kýbogi men Lıga kýbogine brendtiń resmı doptaryn usyndyq.
Kelesi maýsymda yntymaqtastyqty keńeıtip, Joma doptaryn Qazaqstan Sýperlıgasynda da qoldanýdy josparlap otyrmyz. Bul seriktestikti damytýǵa Joma-nyń Ispanııadaǵy jahandyq keńsesi de múddeli ekenin atap ótken jón.
Sonymen qatar QKFL-men birlesip, Lıga aıasynda ótetin barlyq ishki fýtzal týrnırlerine arnalǵan doptardyń eksklıýzıvti dızaınyn ázirlep jatyrmyz. Bul yntymaqtastyq qazaqstandyq fýtzaldy damytýǵa jáne onyń kásibı standarttaryn arttyrýǵa mańyzdy úles qosatynyna senimdimiz», dedi Qazaqstanda Joma brendiniń ókili VT Trade kompanııasynyń dırektory Anar Táýetaeva.
ıfrlyq ónimder jáne medıa
Lıga tehnologııalyq seriktesi Blocksport-pen birlesip, chempıonat, klýbtar men oıynshylar týraly aqparat qamtylatyn QKFL-nyń resmı saıty men mobıldi qosymshasyn ázirlep jatyr. Iske qosylý merzimi qosymsha habarlanady. Aqparattyq seriktes Meta Ratings Sýperlıga klýbtaryna tegin saıttar jasap beredi.
Lıganyń medıajobalary qatarynda Red Bull Kazakhstan-pen birlesip, Sýperlıga oıynshylarynyń qatysýymen ótkizilgen EA SPORTS FC 27 boıynsha Red Bull Wings Cup, úzdik goldar men seıvter toptamalary, jeke marapattar, oıynshylardyń oqıǵalary jáne «Bizdiń fýtzal» baǵdarlamasy bar. Sýperlıga brendin ilgeriletý jáne kommerııalyq jobalarmen Huddle sporttyq marketıng agenttigi aınalysady.
«Bizdiń mindetimiz — fýtzalǵa degen qyzyǵýshylyqtyń tek match kúnderimen shektelmeýin qamtamasyz etý. Chempıonat kún saıyn jańalyqtarda, áleýmettik jelilerde, telebaǵdarlamalarda, suhbattar men oıynshylar týraly oqıǵalarda kórinis tapqanyn qalaımyz», dep atap ótti Danııar Álı.
Aldaǵy jyldarǵa arnalǵan josparlar
QKFL úsh basym baǵytty aıqyndady: birinshisi, jarystardy uıymdastyrý — match ótkizýdiń biryńǵaı kásibı standarttaryn engizý jáne komandalar, oıynshylar men jankúıerler úshin qolaıly jaǵdaı jasaý.
Ekinshisi, kommerııalyq damý — Lıga men klýbtardyń turaqty damýy úshin jańa seriktester men tabys kózderin tartý.
Fýtzaldy tanymal etý — jańa aýdıtorııa tartý, klýbtar men oıynshylardyń oqıǵalaryn tanystyrý, balalardy sportqa baýlý.
Qazaqstan kásipqoı fýtzal lıgasy (QKFL) — fýtzaldan Qazaqstan chempıonatynyń joǵary dıvızıony sanalatyn Sýperlıganyń, Qazaqstan kýbogi men Sýperkýboginiń, sondaı-aq kommerııalyq Lıga kýbogy týrnıriniń uıymdastyrýshysy. QKFL jarystardy ótkizý standarttaryna, televızııalyq jáne ıfrlyq ónimderge, klýbtarmen jáne kommerııalyq seriktestermen jumysqa jaýap beredi.
