• Қазақ
  •   
  • Qazaq
  •   
  • قازاق
  •   
  • Рус
  •   
    Ulttyq Olımpıada komıteti

    Aqnur Tursynǵalı — jasóspirimder Olımpıadasynyń kúmis medalısi

    Boksshy Aqnur Tursynǵalı Senegaldyń Dakar qalasynda ótip jatqan jasóspirimder Olımpıadasynyń kúmis júldegeri atandy.

    Otandasymyz 57 kelige deıingi salmaqta brazılııalyq Sara Kampospen judyryqtasty.

    Alǵashqy raýndta Aqnur Tursynǵalı basym tústi. Degenmen brazılııalyq boksshy ekinshi jáne úshinshi raýndtarda tizgindi óz qolyna alyp, 4:1 esebimen jeńiske jetti.

    Osylaısha Aqnur Tursynǵalı jasóspirimder Olımpıadasyn kúmis júldemen aıaqtady.

    Ulttyq quramanyń enshisinde alty medal bar. Buǵan deıin dzıýdoshy Fatıma Supyǵalıeva (52 kelige deıin) jáne veloshabandoz Ánel Táshbaı altyn medal alsa, taekvondoshy Lıýbov Iýn (63 keliden asa ), trıatlonshy Ramazan Áınegov pen boksshy Maral Tólepbergen (54 kelige deıin) qola medal alǵan edi.

     

    Dastan KENJALIN,

    ASTANA

    Pikir jazý

    Your email address will not be published. Required fields are marked *

    *