Jasóspirimder Olımpıadasy: Aıbar Qaıym kúmis júldeger atandy

Semserlesýshi Aıbar Qaıym Senegaldyń Dakar qalasynda ótip jatqan jasóspirimder Olımpıadasynyń fınalynda baq synady.

Otandasymyz sablıa básekesiniń fınalynda túrkııalyq Jandenız Berrakpen kezdesip, odan 15:6 esebimen jeńildi. Al Aıbar Qaıym jasóspirimder Olımpıadasyn kúmis júldemen aıaqtady.

Qazaqstan quramasynyń qorjynynda segiz medal bar. Buǵan deıin dzıýdoshy Fatıma Supyǵalıeva (52 kg) men veloshabandoz Ánel Táshbaı altyn medal alsa, boksshylar Bıbarys Áshirbaı (70 kg) men Aqnur Tursynǵalı (57 kg) kúmis júldege ıe bolǵan edi. Al boksshy Maral Tólepbergen (54 kg), taekvondoshy Lıýbov Iýn (63 keliden asa) men trıatlonshy Ramazan Áınegov úshinshi oryn aldy.

Dastan KENJALIN,

ASTANA