• Қазақ
  •   
  • Qazaq
  •   
  • قازاق
  •   
  • Рус
  •   
    Tórehan Tursymbaevtyń jekemuraǵaty

    Olımpıadada tórelik etken Tórehan

    Jaqynda Senegaldyń Dakar qalasynda ótken jasóspirimder Olımpıadasynda otandasymyz Tórehan Tursymbaev elimiz atynan jalǵyz ózi fýtzal matchtaryna tórelik etip qaıtty.

    Ol fýtzal týrnıriniń oıyndaryna qyzmet kórsetý úshin Halyqaralyq fýtbol federaııasynyń (FIFA) tarapynan taǵaıyndaldy.

    FIFA-nyń 14 qazanda jarııalaǵan resmı tizimine álemniń alty konfederaııasynan 20 tóreshi men bir qosalqy tóreshi endi.  Olardyń arasynda biz sóz etkeli otyrǵan Tórehan Tursymbaev ta boldy.

    Jasóspirimder Olımpıadasynyń dástúrli týrnıri Dakarda 1-12 qarasha aralyǵynda ótti. Oǵan uldar men qyzdar arasyndaǵy 16 qurama komanda qatysyp, barlyǵy 32 match ótkizildi.

    Olımpıadada ol Kosta-Rıka — Iran, Panama — Aýǵanstan, Senegal -Venesýela, Paragvaı — Marokko, Marokko — Solomon araldary, jartylaı fınalda Argentına men Marokko, qola júlde úshin oıynda Aýǵanstan men Marokko  komandalarynyń oıyndaryna tórelik etti. Bul elimiz mamandarynyń halyqaralyq deńgeıdegi kásibı biliktiligi men tóreshiler sheberligine kórsetilgen senimniń belgisi deýge bolady. Sonymen birge Tórehannyń osyndaı bedeldi halyqaralyq jarysqa taǵaıyndalýy tóreshiler úshin mańyzdy jetistik.

    Osylaı qazaqtyń balasy alǵash ret jasóspirimder Olımpıadasynda fýtzal oıyndaryna tóreshi bolyp qaıtty. Tórehan tóreshi bolýdy joǵary oqý ornyn bitirisimen maqsat etken eken.

    Ol 1992 jyly 25 aqpanda Atbasar qalasynda týyp, 1999 jyly mektep tabaldyryǵyn attaǵan. 2010 jyly qaladaǵy №2 orta mektepti támamdaǵannan keıin Astanaǵa kelip, S.Seıfýllın atyndaǵy Qazaq agrarlyq tehnıkalyq ýnıversıtetine «Jer kadastry» mamandyǵy boıynsha oqýǵa túsedi.

    2011 jyly Oleg Sokolov degen fýtboldan arbıtrlar mektebiniń kýratorymen jolyǵady. Sol kezden bastap Tórehannyń fýtbolǵa degen qyzyǵýshylyǵy artyp, ol kásibı maman bolýdy aldyna maqsat etip qoıady.

    -Men 10 jasymnan beri dop teýip kelemin. Fýtboldy bala kezimnen jaqsy kóremin.

    2010 jyly oblystyq jarystarǵa qatysyp, tipti eki ret respýblıkalyq týrnırde de oınaǵanmyn, — deıdi ol. – 2011 jyly tóreshiniń jumysyna qyzyǵyp, arbıtrlar daıyndaıtyn mektepke baryp, sol jerde fýtbol erejelerin úırenip, dene shynyqtyrý daıyndyǵynan testter tapsyrdym. Sodan keıin Astana qalasynyń chempıonatynda tóreshiniń kómekshisi boldym. Sol kezde Áýesqoı fýtbolshylar lıgasy týraly estip, 2012 jyly fýtzaldan tóreshi qyzmetin atqara bastadym.

    Tórehannyń aıtýynsha, ol alǵash ret 2013 jyly Qazaqstan chempıonaty Joǵarǵy lıgasynyń tóreshisi bolyp tirkelgen. Qazir de ol Sýper lıganyń tóreshisi.

    -2013 jyly Almatynyń «Bta fýtzal» men Oraldyń «Taıpak» klýbtarynyń matchy meniń kásibı turǵyda alǵash ret tórelik etken oıynym boldy. Osydan keıin men halyqaralyq matchtarǵa shaqyryla bastadym.

    2017 jyly ÝEFA-nyń Serbııada ótken Damý kýbogi týrnırinde qyzmet ettim. Sol jyldyń shilde aıynda Italııada ÝEFA-nyń áıelder arasyndaǵy Damý kýboginde tóreshi boldym. Bul jarystarda Qazaqstan, Serbııa, Rýmynııa, Italııa men Reseı komandalarynyń oıyndaryna tórelik ettim. Sodan keıin 2019 jyly FIFA-nyń halyqaralyq dárejedegi tóreshisi atandym, — deıdi ol.

    Tóreshiniń halyqaralyq deńgeıde moıyndalýy úlken jetistik. Sol kezden beri Tórehan ÝEFA Chempıondar lıgasy, álem jáne Eýropa chempıonattarynyń irikteý týrnırlerinde qyzmet etip keledi.  Al byltyr qarasha aıynda Slovenııada ótken Chempondar lıgasynyń negizgi kezeńinde tórelik etti. FIFA-nyń halyqaralyq dárejedegi tóreshisi degen ataq jer-júzindegi mańyzy zor matchtarǵa, sonyń ishinde halyqaralyq týrnırler men irikteý kezeńderindegi oıyndarǵa qyzmet kórsetýge múmkindik beredi.

     

    Dastan KENJALIN,

    ASTANA

    (Tórehan Tursymbaev soldań ońǵa qaraı úshinshi, toptyń ortasynda tur)

     

    Pikir jazý

    Your email address will not be published. Required fields are marked *

    *