Fýtboldan ulttyq qurama komandanyń bas jattyqtyrýshy taǵy aýysatyn boldy. Bul týraly Qazaqstan fýtbol federaııasynyń bas hatshysy Skott Mann aıtty. Ol seısenbi kúni QFF keńsesinde elimiz qurama komandasynyń Ulttar lıgasyndaǵy nátıjesine qatysty málimdeme jasap, bas jattyqtyrýshysy Djon van’t Shkıptiń osy aptanyń sońynda qyzmetinen ketetinin eskertti.
Qazir QFF onyń ornyna basqa bapkerdi izdep jatyr. Skott Mannyń aıtýynsha, jańa bapker kelesi jyly naýryz aıynda belgili bolady. Al jańa bas jattyqtyrýshynyń jerilikti maman bola ma álde shetelden kele me ol jaǵy áli belgisiz. Osy jerde ol Ulttar lıgasynda súreńsiz nátıje kórsetken qurama komanda úshin keshirim surap, bar jaýapkershilikti óz moınyna alatynyn aıtty.
«Djon van’t Shkıpti qyzmetke shaqyrǵanyma ókinip qaldym. Biz ony ýaqyt tyǵyz bolǵan soń, komandaǵa shaqyrdyq. Ol qolynan kelgen jumysty istedi. Biraq onyń jumysyna kóńilimiz tolǵan joq. Sondyqtan ol qyzmetinen alynady», dedi ol.
Sonymen birge ol sońǵy 10 jylda 11 adamnyń elimizdiń bas komandasynyń tizginin ustaǵanyn, ulttyq qurama jattyqtyrýshysynyń jıi aýysýy fýtbolǵa keri áserin tıgizetinin atap ótti. Onyń pikirinshe, aldyna úlken maqsat qoıǵan komanda bapkerdi jıi aýystyrmaý kerek. Qazir basty mindet – álemdik reıtıngte úzdik 75 quramanyń qataryna jaqyndaý. Ol osy maqsatqa jetý úshin quramany jańartý kerek ekenin atap aıtty.
«Bizge jas talanttar kerek. Komandanyń tamyryna qan júgirtetin jas jigitter qajet. Sońǵy tórt jylda reıtıngimiz 110-120-oryndardyń arasynda qubylyp keledi. Sondyqtan bizge komandany jańartyp, 75-orynǵa kóterilýdi maqsat etýimiz kerek», dedi ol.
Skot Mannnyń aıtýynsha, Qazaqstanda fýtboldy damytý úshin naqty jospary men strategııasy bar. Ol dál qazir Farer araldarynyń deńgeıi bizdiń elden bıik ekenin, óıtkeni bul komandanyń negizgi quramyndaǵy fýtbolshylardyń 90 paıyzy Danııada oınaıtynyn, al Qazaqstan komandasyndaǵy oıynshylardyń 90 paıyzy Qazaqstan chempıonatynda dop tebetinin aıtty.
«Onyń ózinde jergilikti fýtbolshylar klýbtarynda kóp oınamaıdy. Sebebi komandalarda legıonerler kóp», dedi ol.
Osy jerde ol búginde barlyq el 17-19 jas aralyǵyndaǵy jas fýtbolshylarǵa úlken senim artatynyn, al Qazaqstanda kerisinshe, jas talanttarǵa eresek fýtbolshylarmen oınaýǵa múmkindik berilmeıtinin eskertti.
«Shyndyqtyń betine týra qarasaq, 17 jáne 19 jastaǵy úzdik oıynshylar bolýy kerek. Qazir Qazaqstan fýtbolynyń basty problemasy laıyqty bas jattyqtyrýshynyń bolmaýy men jas talanttardyń ashylmaýy. Bizge ulttyq quramany jattyqtyrýǵa myqty maman ǵana emes, jasy da, mentalıteti de sáıkes keletin, osyndaı aýyr jaýapkershilikti kóterýge daıyn bapker qajet.
Eger tájirıbesi az jas mamandy birden ulttyq quramanyń jattyqtyrýshysy etip qoısaq, bul úlken táýekel bolady. Sondyqtan bizge Baısýfınov sııaqty tájirıbesi mol, júıede uzaq ýaqyt jumys istegenin adam kerek. Men shynyn aıtqanda onyń qyzmetten ketkenin qalamadym», dedi ol.
QFF bas hatshysy ulttyq quramanyń sátsiz oıyndaryna qaramastan qyzmetten ketpeıtinin, kelisimshart boıysha áli 2023 jylǵa deıin jumys isteıtinin, Qazaqstanǵa fýtboldy damytý úshin kelgenin málimdedi.
Eske sala ketsek, 52 jastaǵy aýstralııalyq Skott Mann bıyl 27 sáýirde Qazaqstan fýtbol federaııasynyń bas hatshysy qyzmetine taǵaıyndaldy. Ol qyzmetke kelgennen keıin Qazaqstan ulttyq quramasy segiz matchta birde-bir ret jeńiske jete almady. Ultyq qurama tórt oıynda teń oınap, tórt matchta jeńilip qaldy.
Dastan KENJALIN,
ASTANA
SportPress.kz Qazaqstan sport jańalyqtary