اكادەميانىڭ شاكىرتى افينادان كۇمىس جۇلدە اكەلدى

گرەكيانىڭ افينا قالاسىندا دزيۋدودان جاستار اراسىندا وتكەن ەۋروپا كۋبوگىندا سەمەي سپورت اكادەمياسىنىڭ شاكىرتى قۋاندىق ستامپولوۆ 90 كيلو سالماق دارەجەسىندە كۇمىس مەدال الدى، دەپ حابارلادى سەمەي سپورت اكادەمياسىنىڭ ءباسپاسوز قىزمەتى.

شەتەلگە جاستار قۇراماسىن اعا جاتتىقتىرۋشىلار ازامات مۇقانوۆ پەن ايبەك يماشەۆ باستاپ اپارىپ كەلدى.

ناۋرىز ايىندا اتىراۋ قالاسىندا دزيۋدودان 1999 – 2001 جىلدارى تۋعان جاستار اراسىندا وتكەن قازاقستاننىڭ جەكەلەي چەمپيوناتىندا دا قۋاندىق ستامپولوۆ 90 كگ سالماقتا قۇرمەت تۇعىرىنىڭ ەڭ بيىك ساتىسىنا كوتەرىلگەن.