اسىل ازامات الپىستان استى

قازاقتىڭ اسىل ازاماتى، قازاق كۇرەسىن الەم ارەناسىنا شىعارعان الاشتىڭ اياۋلى ۇلى سەرىك تۇكەەۆ 62 جاسقا تولعان تۋعان كۇنىن نەگىزسىز تاعىلعان جالعان ايىپتان قارا تۇنەك تار قاپاستا قارسى الىپ وتىر.

قازاق قاشاندا باتىرىن اسپەتتەپ، جاۋىن جەرگە تىزەرلەتكەن ۇلى حالىق دەپ جارقىن-جارقىن ايتىپ جازامىز. ولاي بولسا ەش كىناسىز قاماقتا وتىرعان باتىر باۋىرىمىزدى قالايشا ەل بولىپ، ءۇن قوسىپ شىعارىپ الا المايمىز؟ وسىعان تاڭعالامىن. قاجەتتى جانداردى تۇزاعىنا قارماپ، اباقتىعا جازىقسىزدان جاپقان بيلىكتىڭ كەيبىر وكىلدەرى ماستانىپ ءومىر ءسۇرىپ جاتقاندا، جازىقسىزدان جاعىلعان جالادان سەرىك تۇكەەۆ، يسلام ابىشەۆ سەكىلدى قازاق كۇرەسى مەن ەل ەكونيكاسىنىڭ دامۋىنا وراسان زور ەڭبەك سىڭىرگەن تاۋ تۇلعالى اعالارىمىز تاستاي سۋىق تۇرمەدە، قارا نان مەن قارا سۋدى جانىنا تالعاۋ ەتىپ كۇن كەشۋدە. ادىلەت قايدا سوندا؟ بۇل قوعام كانداي قوعام؟ جاقسىسىن توپەلەيتىن، جامانىن كوكەلەيتىن قوعام بولىپ بارا ما؟ دەگەنمەن دە ءۇمىتىمىزدى ۇكىلەپ، اسىل اعالارىمىزدىڭ ورتامىزعا ەرتەرەك ءدىن-امان ورالۋىن اللادان جالىنىپ تىلەيمىز. حاديستە: «سابىر — جاقسىلىقكا باستار جول»، – دەيدى. سابىر ەتەمى، ارينە. اللانىڭ نۇرى ءتۇسىپ، كورە المايتىنداردى تاۋبەسىنە كەلتىرىپ جاقسى ءبىر قۋانىشتى حابار بولاتىنىنا بارشا قازاق تىلەۋ ەتەدى. ول كۇننىڭ دە اۋىلى الىس ەمەس شىعار.

اقىن ورداباي ۇلى،

جۋرناليست