Asyl azamat alpystan asty

Qazaqtyń asyl azamaty, qazaq kúresin álem arenasyna shyǵarǵan alashtyń aıaýly uly Serik Túkeev 62 jasqa tolǵan týǵan kúnin negizsiz taǵylǵan jalǵan aıyptan qara túnek tar qapasta qarsy alyp otyr.

Qazaq qashanda batyryn áspettep, jaýyn jerge tizerletken uly halyq dep jarqyn-jarqyn aıtyp jazamyz. Olaı bolsa esh kinásiz qamaqta otyrǵan batyr baýyrymyzdy qalaısha el bolyp, ún qosyp shyǵaryp ala almaımyz? Osyǵan tańǵalamyn. Qajetti jandardy tuzaǵyna qarmap, abaqtyǵa jazyqsyzdan japqan bıliktiń keıbir ókilderi mastanyp ómir súrip jatqanda, jazyqsyzdan jaǵylǵan jaladan Serik Túkeev, Islam Ábishev sekildi qazaq kúresi men el ekonıkasynyń damýyna orasan zor eńbek sińirgen taý tulǵaly aǵalarymyz tastaı sýyq túrmede, qara nan men qara sýdy janyna talǵaý etip kún keshýde. Ádilet qaıda sonda? Bul qoǵam kandaı qoǵam? Jaqsysyn tópeleıtin, jamanyn kókeleıtin qoǵam bolyp bara ma? Degenmen de úmitimizdi úkilep, asyl aǵalarymyzdyń ortamyzǵa erterek din-aman oralýyn Alladan jalynyp tileımiz. Hadıste: «Sabyr — jaqsylyqka bastar jol», – deıdi. Sabyr etemi, árıne. Allanyń nury túsip, kóre almaıtyndardy táýbesine keltirip jaqsy bir qýanyshty habar bolatynyna barsha qazaq tileý etedi. Ol kúnniń de aýyly alys emes shyǵar.

Aqyn ORDABAIULY,

jýrnalıst