كورشى ەلدە كوكپاردان الەم چەمپيوناتى وتەدى

20-27 قاراشا ارالىعىندا وزبەكستاندا كوكپاردان الەم چەمپيوناتى وتەدى. بۇل تۋرالى ۇلتتىق سپورت قاۋىمداستىعى حابارلادى.

وسى الەمدىك باسەكەگە قازاقستاننىڭ كوكپاردان ۇلتتىق قۇراما كومانداسى دايارلىقتى قازىردەن باستادى.

جامبىل وبلىسى، مەركى اۋدانىندا مادەنيەت جانە سپورت مينيسترلىگىنىڭ جىلدىق كۇنتىزبەلىك جوسپار بويىنشا وتەتىن 18 كۇندىك جالپى دەنە دايىندىعىنا ارنالعان وقۋ-جاتتىعۋعا اتىراۋ، ماڭعىستاۋ، تۇركىستان، جامبىل، قىزىلوردا وبلىستارى مەن نۇر-سۇلتان قالاسىنان   بارلىعى 24 سپورتشى قاتىسادى.

اتاپ ايتقاندا، وقۋ-جاتتىعۋ جيىنىنا ەلىمىزدىڭ ۇزدىك كوكپارشىلارى –  ىنتىماق الىپباەۆ (اتىراۋ وبلىسى)، ۇلان بايتورەەۆ (ماڭعىستاۋ وبلىسى)، نۇرجىگىت مىرزاباەۆ – (تۇركىستان وبلىسى)، بايدىبەك سابىروۆ (تۇركىستان وبلىسى)،  ادىلەت مامىت (تۇركىستان وبلىسى)،  تەمىرحان ايتباەۆ (تۇركىستان وبلىسى)، قۇرمانبەك تۇرعانبەك (جامبىل وبلىسى)، باعلان شىرىنباەۆ (جامبىل وبلىسى)، ەسجان قۇرمانباي (جامبىل وبلىسى)، ناۋرىزقوجا امزەەۆ (قىزىلوردا وبلىسى)، ابۋعالي ءابدىجاپپاروۆ (ماڭعىستاۋ وبلىسى)، (ەلدار جيەنقۇلوۆ (اتىراۋ وبلىسى)، جاسۇلان ايتباي (اتىراۋ وبلىسى)،  ابىلايحان نىشانبەكوۆ – (تۇركىستان وبلىسى)، داۋلەت ايتان (تۇركىستان وبلىسى)، باقىتجان ءازىمباي –  (ماڭعىستاۋ وبلىسى)،  اسىلانبەك سايدۋللا (تۇركىستان وبلىسى)، ماناربەك دۇيسەنبيەۆ (جامبىل وبلىسى)، (قۇلاجان توعايباەۆ (جامبىل وبلىسى)، بولاتبەك الىمبەتوۆ (جامبىل وبلىسى)، ارسلان قابجانوۆ – (نۇر-سۇلتان قالاسى)، نۇرلىبەك اسقاروۆ (قىزىلوردا وبلىسى)، مەيىربەك بولىسبەك (تۇركىستان وبلىسى)، باقتىباي شىرىنقۇلوۆ (تۇركىستان وبلىسى) قاتىسۋدا. قازاقستان ۇلتتىق قۇراما كومانداسىنىڭ باس جاتتىقتىرۋشىسى – قۋانىشبەك قۇراماەۆ. وقۋ-جاتتىعۋ 22 قازاندا اياقتالادى.

ەسكە سالا وتەلىك، قازاقستاننىڭ ۇلتتىق قۇراما كومانداسى بۇعان دەيىن  كوكپاردان ءى ازيا چەمپيوناتى (2013 جىلى) مەن ءى الەم چەمپيوناتىن (2017 جىلى) جەڭىپ العان بولاتىن.