SportPress.kz Qazaqstan sport jańalyqtary
Tarıhtyń jylnamasyna jazylatyn bıylǵy jyl qazaq sporty úshin tabyssyz bolǵan joq. Túrli deńgeıdegi saıystarda qanjyǵamyz maılanyp, oljaly oraldyq. Jańa jyl qarsańynda sportshylarymyzdy marapattaý, qurmet kórsetý sharasy Almaty oblysy, Ile aýdany, Ashybulaq aýylynda da ótti. Uıymdastyrǵan – «Sagadat Batyr – QTT» sport klýby.
Saǵadat Qojahmetuly Nurmaǵanbetovtyń 95 jyldyǵyna oraı uıymdastyrylǵan sport klýbynyń jyldyq esep berý keshinde «Jyl úzdigi – 2019» nomınaııasy boıynsha jas erekshelikterine qaraı Taımas Salımov, Narıman Daýlbaev, Samat Aıtpanbet marapattaldy.
– Bıylǵy jyl «Sagadat Batyr – QTT» klýby úshin sátti jyl boldy. Klýbta jattyǵyp, túrli deńgeıli saıystarda jarqyrap kóringen úsh sportshy Qazaqstannyń djıý- djıtsýdan sport sheberi, 20-dan asa sportshy djıý- djıtsýdan sport sheberine úmitker ataǵyna ıe boldy, – deıdi klýbtyń jattyqtyrýshysy Nursultan Orynbasarov.
Áskerı qaıratker, armııa generaly, Keńes Odaǵynyń Batyry, Qazaqstan Respýblıkasynyń tuńǵysh Qorǵanys mınıstri, «Halyq qaharmany» Saǵadat Nurmaǵanbetovtyń esimimen atalatyn klýbtyń ashylǵanyna eki-úsh jyldyń kólemi bolsa da, bilikti jattyqtyrýshylar baptaǵan talapty jastardyń shyqqan shyńy, asqan asýy kóp. Tek bıyldyń ózinde birneshe halyqaralyq týrnırlerge, álem chempıonatyna qatysyp, tolaıym tabyspen oraldy. Sáýir aıynda Birikken Arab ámirliginiń Abý-Dabı qalasynda djıý-djıtsýdan ótken álem chempıonatynda «Sagadat Batyr» sport klýbynyń sportshylary 10 altyn, 5 kúmis, 7 qola medalmen oraldy. Sondaı-aq, Reseıdiń astanasy Máskeýde, Qyrǵyzstan Respýblıkasynyń Bishkek jáne Osh qalasynda, О́zbekstannyń bas qalasy Tashkentte jáne elimizdiń Nur-Sultan jáne Almaty qalalarynda ótken halyqaralyq týrnırlerde osy klýbtyń 80-nen asa sportshysy jeńis tuǵyryna kóterilip, kók týymyzdy jelbiretti.
Osy jyly Saǵadat Qojahmetuly Nurmaǵanbetov atyndaǵy «Sagadat Batyr» sport klýby «Nur Otan» partııasy Ile aýdandyq fılıalymen jáne Ile aýdandyq balalar men jasóspirimder sport mektebimen tize qosyp jasóspirimder arasynda úsh týrnır ótkizdi. Naýryz aıynda Saǵadat Nurmaǵanbetovtyń 95 jyldyǵyna oraı Saǵadat batyr týrnıri, shilde aıynda Jastar jylyna oraı ashyq týrnır jáne qazan aıynda О́tegen batyr О́teǵululynyń 320 jyldyǵyna oraı birinshilikter ótkizdi.
Dodaǵa elimizdiń ár túrli oblystary men qalalarynan jáne kórshiles el Qyrǵyzstan elinen de djıý-djıtsý sheberleri qatysyp, baqtaryn synady.
«Sagadat Batyr – QTT» klýbynyń júıeli júrgizgen jumysynyń nátıjesinde jetken jetistikterdi saralaǵan keshte patrıottyq ánder shyrqaldy. Djıý-djıtsý jáne grepllıng kúresinen el namysyn abyroımen qorǵaǵan talapty jastardy sahna tórinde keshtiń qurmetti qonaqtar marapattady. Ile aýdandyq máslıhat tóraǵasy, aýdandyq qoǵamdyq keńes tóraǵasy, Saǵadat Qojahmetuly Nurmaǵanbetov atyndaǵy «Sagadat Batyr» sport klýbnyń prezıdenti Erbolat Saparuly Turymbetov , Djıý – djıtsý qaýymdastyǵynyń vıe – prezıdenti, Almaty oblysy quramasynyń bas bapkeri, Qazaqstan Respýblıkasynyń eńbek sińirgen jattyqtyrýshysy Nurjan Kenjeuly Elkeev, Aýdandyq ardagerler alqasynyń tóraǵasy «Nur Otan» partııasy bıýrosynyń múshesi Ámze Áldıbekuly Isaev jas sportshylarǵa sáttilik tiledi.
Qýanysh RAHMET,
Almaty oblysy,
Ile aýdany.
