اۋىل شەكاراسىن قالاي جابۋعا بولادى؟

…سالەم، دوستار! مەنىڭ كەشەگى اۋىل جايلى تولعانىپ جازعانىم شىن جۇرەكتەن ەدى. جاسىراتىنى جوق، ءبىزدىڭ ۇكىمەت پرەزيدەنتىمىزدىڭ پارمەنىمەن مىنا بەتى اۋلاق ىندەتتىڭ الدىن الۋ شارالارىن الەمدەگى ماڭداي الدى مەملەكەتتەردىڭ ءبىرى رەتىندە ورىنداپ،ەلىمىزدى بۇل پالەنىڭ ەركىن جايلاۋىنان ساقتاپ قالدى! سىرتتان كەلگەن كۇماندى ادامداردى وقشاۋلاۋ جۇمىسى دا ۋاقىتىلى،تاسقان جاۋاپكەرشىلىكپەن جۇرگىزىلدى. بىراق الەمدىك مىسالدى قاراپ وتىرساق،بۇل پالە ەسىكتى جاپساڭ بوساعادان جەلمەن كىرىپ كەتەتىن جىنداي ەشكىمگە جالىن سيپاتپاي تۇر عوي. وعان مىسال – ونىڭ الەمنىڭ بار مەملەكەتىنە تارالۋى! …اۋىل جايلى ايتقاندا ءبىز ءبارى كەلىپ تۇر، ءبارى تىرەلىپ تۇر دەپ جاتقان جوقپىز. ونداي كۇننىڭ بەتى اۋلاق! تەك جاراتقاننىڭ ءوزى «ساقتانساڭ – ساقتايمىن!» دەگەنىنە سۇيەنىپ، الدىن الا قورعانىپ جاتقانىمىز.

اۋىلداردىڭ شەكاراسىن قالاي جابۋعا بولادى؟ بۇگىندە اۋىل بىتكەننەن قالاعا كەلەتىن جولدارعا تەمىر-بەتون نەمەسە تاس دۋالدان بوگەت قويۋدىڭ قاجەتى جوق. ونداي كۇن تۋماي-اق قويسىن! تەك ءار وبلىستاعى اۋىل-اۋىلدان قالالارعا،اۋدان ورتالىقتارىنا كەلەتىن كۇرە تامىرداي جولدارعا پوليتسيا، ومون، اسكەريلەر، ەرىكتىلەر قاتارىنان ءبىر ادامنان كۇزەت قويسا بولعانى. ۋاقىتشا الا سىرىق (شلاگباۋم) كەرىپ قويسا ءتىپتى جاقسى. سول كۇزەت ءجونسىز جوڭكىلگەن اۋىل كولىكتەرىن كەرى قايتارىپ تۇرۋى كەرەك! ءارى ولاردىڭ مەملەكەتتىك نومىرلەرىن جازىپ الىپ،ورتالىق بازاعا جىبەرسىن. جۇرگىزۋشىگە ەگەر وسى كولىك نە اۋدان،نە وبلىس ورتالىعىنان كوزگە تۇسسە ايىپپۇل تولەيتىنى ەسكەرتىلسىن. ارينە، سەبەپپەن كەلگەن كولىك،جۇرگىزۋشى جىبەرىلەدى. قالادا دا سول ءتارتىپ قوي. اۋىلداردان ءجۇز جول شىققانىمەن قالاعا كىرەتىن كۇرە جولدار كوپ ەمەس. مىسالى،مەنىڭ اۋدانىمنىڭ ورتالىعى ۇشتوبە قالاسى. اۋىل مەن قالا ورتاسى 200 شاقىرىمداي. ەشكىم بۇل قالاعا جاياۋ كەلمەيدى عوي. ۇشتوبەگە جان-جاعىنان كوپ بولسا 5-7 جول كىرەدى. بار وڭىردە سولاي. ەل ەرتەڭى ءۇشىن ولاردى كۇزەتە تۇرعاننان كەم بولمايمىز! تەك اۋىل-اۋىلعا ازىق-ت ۇلىك پەن اۋىز سۋ جەتكىزۋ ماسەلەلەرىن ۇنەمى نازاردا ۇستاعان ءجون. جاسىرمايمىز،اۋىل-اۋىلدان قالاعا كەلىپ،بالا-شاعاسىنا ناپاقا تاباتىندار دا كوپ بۇل كۇندە. امال جوق،شىداي تۇرۋعا تۋرا كەلەدى. الەمدەگى قالالارداعى ايىنا ميلليون دوللار تاباتىن مەكەمەلەردىڭ جۇمىسشى-قىزمەتشىلەرى دە ۇيدە وتىر ەمەس پە بۇگىن! بۇل شارالار اسىرەسە جۇمىسسىز ىشتەرى پىسىپ،قالا كورمەسە تۇرا المايتىن اقىلسىز جاستاردىڭ ەلگە زيانى تيەر پالەلەرگە ۇشىراپ قالۋىنان ساقتايدى. …سونىمەن قاتار، وبلىس اكىمشىلىكتەرى باس بولىپ،اۋىل-اۋىلعا مەديتسينالىق قۇرال-جابدىق،ءدارى-دارمەكتەر جىبەرە بەرۋگە پارمەن بەرگەنى ءجون. قامسىز وتىرماسىن. ول دۇنيەلەر اۋىلداعى ەلگە ءجاي كۇندە دە كەرەك. مىنا پالە ىندەتتىڭ دە الدىن الدى عوي مەملەكەتىمىز. سول ۇلگى بولسىن جەر-جەردەگى اكىمدەرگە!!! …دۇرىس دەسەڭىزدەر وسى ويدى ارى قاراي كوپشىلىككە،اكىم-قارالارعا جەتكىزۋگە قول ۇشىن بەرىڭىزدەر!

 نەسىپ جۇنىسباي ۇلى، جۋرناليست-جازۋشى، سپورت قايراتكەرى،

قازاقستان رەسپۋبليكاسىنىڭ ەڭبەك سىڭىرگەن قايراتكەرى.