وقۋشىلار اراسىندا توعىزقۇمالاقتان ونلاين تۋرنير وتەدى

بءىلىم جانە عىلىم مينيسترلىگى «ۇلتتىق عىلىمي-پراكتيكالىق دەنە تاربيەسى ورتالىعىنىڭ» ۇيىمداستىرۋىمەن 2-3 مامىردا مەكتەپ وقۋشىلارى اراسىندا ءابۋ-ناسىر ءال-ءفارابيدىڭ 1150 جىلدىعىنا وراي توعىزقۇمالاقتان ونلاين تۋرنير وتەدى، دەپ حابارلادى اتالعان ۆەدومستونىڭ ورتالىعى.

جارىسقا الماتى، نۇر-سۇلتان، شىمكەنت قالالارى مەن  وبلىستاردان  68 وقۋشى قاتىسۋعا ءوتىنىم بەرگەن. ولاردىڭ ىشىندە 1 سپورت شەبەرى، 26 سپورت شەبەرىنە ۇمىتكەر بار. قالعاندارى — 1 دارەجەلى سپورتشىلار.