الماتىدا جۋرناليستەر مەن انشىلەر جارىستى

الماتى قالاسىندا  قازاقتىڭ بەلگىلى ءانشى-كومپوزيتورى التىنبەك قورازباەۆتىڭ «التىن دومبىرا» اتتى ونەر مەكتەبىنىڭ اشىلۋىنا وراي شاعىن فۋتبولدان تۋرنير ءوتتى.

بۇل جارىسقا قازاق ەستراداسى انشىلەرىنىڭ ءبىرتالايى قاتىسىپ، جاسىل الاڭدا ونەر كورسەتتتى.  ونەرپازدار سپورتتان دا قۇر الاقان ەمەس ەكەندىكتەرىن قولدان كەلگەنشە كورسەتۋگە تىرىستى. انشىلەردەن قۇرالعان «ونەر قىراندارى» كومانداسىندا مەيرامبەك بەسباەۆ، نۇرمۇقاسان، جۇبانىش جەكسەن ۇلى، ەرنار ايدار، سولتان كۇنتۋ، مەلس ساعات ۇلى، سەرجان مولداسان، عادىلبەك جاناي، رايىم ۋايىس تارتىستى ويىندارىمەن كوپشىلىكتى ءتانتى ەتتى. اسىرەسە، جۇبانىش جەكسەن ۇلىنىڭ گولدارىنان ناعىز كاسىپقوي فۋتبولشىعا  ءتان ەرەكشەلىكتەر بايقالىپ تۇردى. ءتۋرنيردى تاماشالاۋعا كەلگەن كورەرمەندەر تاماشا كەرەمەت اسەر الدى. جارىستىڭ سالتاناتتى اشىلۋىندا ءسوز العان التىنبەك قورازباەۆ وسىنداي پاندەميا كەزىندە وتكىزىلىپ وتىرعان شاعىن ءتۋرنيردىڭ سالاماتتى ءومىر سالتىن ۇمىتپاي، ونەر يەلەرىنە رۋحاني دەمەۋ-كۇش  بولسىن دەگەن نيەتپەن ۇيىمداستىرعانىن ايتا كەلىپ، قاتىسۋشىلارعا ساتتىلىك تىلەدى. ونەر مايتالمانى ويىن الاڭىنا شىعىپ، ىسقىرىق شالىنعاننان كەيىن ماتچتى باستاپ بەردى. سودان كەيىن جەڭىس ءۇشىن جاسىل الاڭدا جانتالاسقان كەزدەسۋلەر قىزا باستالىپ كەتتى.

جۋرناليستەردەن قۇرىلعان كوماندا  جارىس بارىسىندا «ونەر قىراندارى» مەن «التىن دومبىرا» كوماندالارىن جەڭىپ فينالعا شىقتى. فينالدا ع.مۇسىرەپوۆ اتىنداعى جاستار  تەاترىنىڭ كومانداسىمەن تەرەزەسى تەڭدەي ويىن كورسەتتى. جاستار تەاترىنىڭ كومانداسى راسىمەندە جالىن اتقان جاستاردان جاساقتالعان مىقتى قۇراما بولىپ شىقتى. اقىن وراداباي، شوقان ماقانوۆ، امان تاسىعان سەكىلدى جاستارى الدى ەلۋدى سوڭى وتىزدى القىمداعان تىسققاقان تاجىربيەلى جۋرناليستەر كومانداسىنا اجەپتەۋىر قارسىلىق كورسەتتى. كۇن ەڭكەيىپ ۇياسىنا باتىپ كەتكەندە ويىن اياقتالىپ، جەڭىمپازدار مەن جۇلدەگەرلەر اتاقتى ءانشى التىنبەك قورازباەۆتىڭ قولىنان سىي-قۇرمەتتەرمەن ماراپاتتالدى.

«جارىستىڭ ۇزدىك ويىنشىسى» اتاعى بەلگىلى جۋرناليست اقىن وردابايعا تابىس ەتىلدى. وسىنداي تارتىستى ءتۋرنيردى ۇيىمداستىرۋعا ۇيىتقى بولعان ءانشى، رەجيسسەر سولتان كۇنتۋعا جيىلعان حالىق پەن قاتىسۋشىلار زور ريزاشىلىقتارىن ءبىلدىرىپ جاتتى. شىن مانىندە، ەلىمىز مىنا جامان ىندەتتەن ەندى عانا ەسىن جيىپ، ايىلىن تارتا باستاعان كەزدە، جانىمىزعا بۇل تۋرنير جىلۋ بەرىپ، سەرپىلتىپ  سەرگىتكەندەي بولدى. اۋرۋعا مويىماي قارسى تۇرۋ ەرلىك بولىپ سانالادى ەمەس پە. ال، وسىنداي كەزەڭدە سالاماتتى ءومىر سالتىنا ارنالعان جارىستاردىڭ دەمەۋى كوپ ەكەنىن ۇمىپاعانىمىز ءلازىم. ارينە، حالىق كوپ جيىلماي قويىلعان تالاپتارعا قۇرمەتپەن قاراۋدىڭ دا دەنساۋلىعىمىز ءۇشىن ماڭىزى زور. سونىمەن جارىس سوڭىنداالتىنبەك قورازباەۆ اللا بۇيىرتىپ جاتسا الداعى ۋاقىتتا بۇل ءتۋرنيردىڭ  كولەمىن كەڭەيتىپ، داستۇرلىك ەتىپ جاساۋعا نيەتتەرى بار ەكەندىگى تۋرالى ءوز ويىنان حابار بەرە كەتتى. ولاي بولسا، وڭتۇستىك شاھارىمىزدا جاقسىلىققا باعىشتار سپورتتىق بولاشاقتا كورىپ قالۋىمىز ابدەن مۇمكىن.

دۋلات كارىباي،

الماتى