Izgilik izdeseńiz, oqyńyz

Almatydaǵy K. Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat kolledjiniń shańyraǵynda tamasha bir sporttyq shara bolyp ótti. Igilikti is sport jýrnalısi, Qazaqstan Jýrnalıster Odaǵynyń múshesi, S.Berdiqulov atyndaǵy syılyqtyń ıegeri Aqyn Ordabaıulynyń «Izgilikpen órilgen ómir» atty kitabynyń tusaýkeserine oraı uıymdastyryldy. Avtor bul eńbegine  jýrnalıstıka salasynda 30 jyldan beri  saraptap saralap jazǵan eńbegin toptastyrǵan. 

Kitapty qolǵa alǵan oqyrman qazaq sportynyń atyn  álemdik  arenada asqaqtatyp, bedelin kótergen  ár túrli sport túriniń maıtalmandary men elimizdegi sporttyń damýyna aıyryqsha úles qosqan azamattardyń ómir joldarynan keńinen aqpar ala alady. Sonymen birge, avtor bul kitabynda tek qana sport splasymen shektelmeı ótkir maqalalar, portrettik ocherkter, proza, poezııa, qoıyn dápterine jazylǵan joljazbalar men qanatty sózder, din taqyrybynda da tolǵaı jazǵan shyǵarmalaryna keńinen oryn bergen. Sondaı-aq, aıtýly kitap qazaq sport jýrnalıstkasyna qosyp bereri mol súbeli tyń shyǵarmalarmen pármendi. Oqýǵa jeńil, tili  jatyq, aıtar oıy oramdy.

«Izgilikpen órilgen ómir» kitabynyń  tusaýkeserin úlken sporttyq merekege ulastyra bilgen Aqyn Ordabaıuly shaǵyn fýtboldan BAQ ókilderi men ardager sportshylar, áýesqoı oıynshylar arasynda jarys uıymdastyrdy. Shaǵyn fýtboldan ótken synǵa 4 komanda kúsh synasyp Almaty qalasynyń jýrnalıster quramasy bas chempıon atandy.  Qalamdy qarý etken jýrnalıster fınalda Almaty  qalasy  Tótenshe jaǵdaılar  qyzmeti departamentiniń qyzmetkerleri quramasyna qarsy oınady.  Fınaldyq matchta eki komanda da  jeńis úshin eshteńeden aıanǵan joq. Osy sharanyń uıytqysy, kitaptyń avtory Aqyn Ordabaıuly bastap shyqqan jýrnalıster quramasy 8-5 esebimen tótenshelikterdi tútip jiberdi.  Ardagerler arasynda tamasha tartysty oıyn kórsetken Saıfýtdın, Darhan, Qaden,  Batyr, Ertaı, Qanat, Erjan syndy azamattar erdiń jasy elýden  assa da  ala dopty urshyqtaı úıiretin ónerimen  tánti etti.

Týrnırdiń qola medali úshin tartysta Almaty qalalyq «Qazpochta» mekemesiniń qyzmetkerleri «Qarǵaly» fýtbol komandasyn 4:1 esebimen utty.

Kitaptyń saltanatty tusaý keser  qurmeti aty áıgili qazaqtyń jelaıaǵy, KSRO-nyń birneshe dúrkin rekordyn jańartyp, Álem kýbogynyń  ıegeri atanǵan  ardager sportshy Ámın Tuıaqovqa berildi. Seksenniń seńgirine jetken ataqty aqsaqal aldymen kitaptyń bolashaqta jas urpaq úshin berer ǵıbraty orasan  ekenin aıyryqsha atap ótti. Saltanatty sharanyń qurmetti meımandary  arasynan jazýshy, «О́ner» baspasynyń dırektory Áshirbek Kópishev, K. Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjdiń dırektory Seıilhan Qaraqovtyń orynbasary Danara Qabdenqyzy Baıdosova,  «Qazaqstan Qyran» federaııasynyń tóraıymy Baǵdat Múptekeqyzy, Aqyn Ordabaıulynyń ustazy, belgili kommentator Rabat Jánibekov, PQ «Jeltoqsan aqıqaty» respýblıkalyq qoǵamynyń tóraǵasy Bolat Qurymbaev, QazTransgaz kompanııasy  basshysynyń orynbasary Muqan Sadýaqasov jáne Qordaı aýdandyq deneshynyqtyrý jáne sport bóliminiń basshysy  Dıdar Moldaǵalıev  sóz alyp kitapqa qatysty aqjoltaı aqjarma tilekterin jetkizdi.

Qandaı sharýany qolǵa alsań da bir ushy qarajatqa baılanyp turatyn qazirgi zamanda qalyńdyǵy kereqarys kitapty jaryqqa shyǵarýǵa az kúsh jumsalmaıdy, qarajat tabý da ońaı emes.

Aqyn Ordabaıulynyń 30 jyldan beri jazǵan eńbekteri oqyrman qaýymǵa kitap bolyp jetýine  demeýshilik  kórsetken Almaty oblysy Deneshynyqtyrý jáne sport basqarmasynyń bastyǵy, Olıpıada oıyndarynyń kúmis júldegeri Nurbaqyt Teńizbaev, qazaq kúresin álemge tanytqan, Olımpıadanyń qola júldegeri Máýlen Mamyrov, Dúnıejúzilik qazaq kúresi federaısynyń qurmetti prezıdenti Serik Túkıev jáne Almaty qalasy Qazpochta mekemesiniń dırektory Saıfýtdın Shamsýtdınov syndy atymtaı-jomart azamattar qarjylaı qoldaý kórsetti.

Kitaptyń tusaýkeser rásiminde  PQ «Jeltoqsan aqıqaty» respblıkalyq qoǵamdyq birlestiginiń tóraǵasy Bolat Qurymbaev myrza  Aqyn Ordabaıuly 1986 jyly  jeltoqsan kóterilisine  belesene qatysyp, Qazaq eliniń táýelsizdigi úshin janyn berýge daıar ekenin kórsetip, alańǵa shyǵýy  onyń ultjandy azamat ekenin pash etedi dep birlestik atynan arnaıy  medal tabys etti. Sonymen birge «Er namysy» qoǵamdyq birlestiginiń tóraǵasy Erbolat Alııadınov te orden taqsa, Qordaı aýdany ákimdigi Deneshynyqtyrý jáne sport basqarmasynyń basshysy Dıdar Moldaǵalıev pen Almaty qalasy Qutqarý  qyzmetiniń  atynan qurmet gramtolarymen kitap avtoryn marapattady.

Jarys jeńimazdaryn marapattaý rásiminde týrnırdiń tóreshileri Aqyn Ordabaıulynyń bal kezden bergi ustazy, professor Asylhan Ábishev pen Aqynnyń týystas baýyry,aty áıgili aqyn, kompozıtor Kenen Ázirbaevtyń týǵan nemeresi Murat Kenenovter jeńimpazdar men júldegerlerdi  baǵaly syılyqtarmen marappattady.

«Ne ekseń sony orasyń» – demekshi, bar ǵumyryn izgiktiń jolyna arnaǵan Aqyn Ordabaıulynyń «Izgilikpen órilgen ómir» atty sııasy jańa kepken, sý jańa týyndysy oqyrmannyń júreginen jol taýyp, jylylyq syılary sózsiz.

Qýan RAHMET,

ALMATY

 

«Qordaıymnyń jigitter»

Qordaı degen qut qonǵan aımaǵym bul.

Bári sonda deseńder qaıda dúldil.

Kenekem án men jyrdyń keni bolǵan,

Terbegen Sulýtórdiń jaılaýyn jyr.

Nyǵmet Saýranbaev akademık

Til ǵylymyn zerttegen qaımaǵym bul.

Sansyzbaı Sarǵasqaev ádebıette

Balalarǵa arnaǵan oılaryn kil.

Kásibı bokstaǵy Mázimbaev,

Jeńgen saıyn jelbiredi baıraǵym bir.

Kenenniń izin basqan Saıat Medeý,

Án salsa dep turasyń saıra bulbul.

Maqsat Bazarbaevtiń qońyr daýsyn,

Estigende kóńil bir jaılanyp júr.

Kenekeńen bata alǵan Aqyn aǵam,

Qazaq dep uıqy berip, qaıǵy alyp júr.

Sport jýrnalıstıkasyn órge súırep,

Sol jolda aldaspandaı qaıralyp júr.

Syrly da qundy jazǵan ár kitaby,

Móldirep aǵyp jatqan qaınaryń bul.

Qordaıdyń dalasynan shyqqan uldar,

Alashtyń dúbirinen báıge alyp júr.

Asýdyń tabanynda týǵan uldar,

Ǵasyrdyń adamyna aınalyp júr!

 

Aıtysker aqyn Ashat QYLYShBEK