V يسلاميادا: قازاقستاننىڭ جەڭىمپازدارى مەن جۇلدەگەرلەرىنىڭ ءتىزىمى جاريالاندى

تۇركيانىڭ كونيا قالاسىندا V يسلام ىنتىماقتاستىق ويىندارى اياقتالدى. بۇل دۇرمەكتى دودادا قازاقستان سپورتشىلارى 27 التىن، 23 كۇمىس جانە 39 قولا جۇلدەمەن جالپىكوماندالىق ەسەپتە بەسىنشى ورىنمەن قورىتىندىلادى.

وقىرماننىڭ نازارىنا جۋرناليست مۇساعالي تاسقاليەۆتىڭ يسلاميادا تۋرالى ماتەريالىن ۇسىنۋدى ءجون كورىپ وتىرمىز.

يسلام ويىندارى – يسلام كونفەرەنتسياسى ۇيىمىنا كىرەتىن ەلدەردىڭ ەڭ ءىرى حالىقارالىق جارىسى.

I يسلام ويىندارى 2005 جىلى ساۋد ارابياسىندا ءوتىپ، 54 مەملەكەت قاتىستى. جارىس قوجايىندارى ساۋد ارابياسى جالپىكوماندالىق ەسەپتە توپ جاردى. ەكىنشى ورىننان ەگيپەت كورىنسە، قازاقستان قۇراماسى ءۇشىنشى ورىنعا يە بولدى.

II يسلام ويىندارى 2009 جىلى يراندا وتۋگە ءتيىستى بولاتىن. الايدا، يران مەن اراب ەلدەرى اراسىنداعى كيكىلجىڭگە بايلانىستى 2010 جىلعا اۋىستى دا ارتىنان مۇلدەم وتپەي قالدى.

III يسلام ويىندارى 2013 جىلى يندونەزيانىڭ پالەمبانگ قالاسىندا ءوتتى. وكىنىشكە قاراي، قازاقستان قۇراماسى بۇل دوداعا قاتىسقان جوق. جارىس قوجايىندارى يندونەزيا 29 التىن، 26 كۇمىس جانە 23 قولامەن توپ جاردى. ەكىنشى ورىنعا ەگيپەت يە بولسا، ۇزدىك ۇشتىككە تۇركيا ەندى.

IV يسلام ويىندارى 2017 ازەربايجان استاناسى باكۋ قالاسىندا ءوتىپ، 57 مەملەكەت وكىلى قاتىستى. قازاقستان قۇراماسى بۇل سىندا 14-ورىن الدى. توپ باسىندا جارىس قوجايىندارى ازەربايجان كومانداسى بولسا، ەكىنشى ورىنعا تۇركيا يەلىك ەتتى. يران قۇراماسى ءۇشىنشى ورىننان كورىندى. ءتورتىنشى ورىندى وزبەكستان الدى. 17 مەملەكەتتىڭ سپورتشىلارى بىردە-ءبىر جۇلدەنى يەلەنە المادى.

V يسلام ويىندارى 2021 جىلى العاشىندا تۇركيانىڭ ىستامبۇل قالاسىندا وتۋگە ءتيىستى ەدى. الايدا وليمپيادا ويىندارىمەن تۇسپا-تۇس كەلگەندىكتەن كونيا قالاسىنا اۋىستى. بىراق الەمدى جايلاعان پاندەميانىڭ كەسىرىنەن وتپەي قالىپ، بيىل دۇركىرەپ ءوتتى. جارىس قوجايىندارى جەكە-دارا كوش باستاسا، وزبەكستان قۇراماسى ەكىنشى ورىن الدى. ءۇشىنشى ورىندا يران سپورتشىلارى. ءتورتىنشى ورىندا ازەربايجان. قازاقستان قۇراماسىنا بۇيىرعانى بۇل جولى بەسىنشى ورىن بولدى.

VI يسلام ويىندارى 2025 جىلى يندونەزيانىڭ باندۋنگ قالاسىندا وتەدى دەپ جوسپارلانعان. بۇيىرسا ول سىندا قازاق ەلى سپورتشىلارى ۇزدىك ۇشتىكتەن ويىپ تۇرىپ ورىن الادى دەگەن ۇمىتتەمىز!

ەندى سىزدەردىڭ نازارلارىڭىزعا V يسلام ويىندارىندا جەڭىمپاز جانە جۇلدەگەر بولعان سپورتشىلارىمىزدىڭ تولىق ءتىزىمىن ۇسىنامىز:

1. ايزادا ءمۇپتىلدا (اۋىر اتلەتيكا) 3 التىن
2. زۋلفيا چينشانلو (اۋىر اتلەتيكا) 3 التىن
3. ريناتا سۇلتانوۆا (ۆەلوسپورت) 3 التىن، 1 قولا
4. ارلي چونتەي (اۋىر اتلەتيكا) 2 التىن، 1 كۇمىس
5. ادىلبەك مۋسين (سۋعا ءجۇزۋ) 2 التىن
6. ايدا باۋىرجانوۆا (سپورتتىق گيمناستيكا) 1 التىن، 1 كۇمىس، 1 قولا
7. ەلجاڭا تانيەۆا (كوركەم گيمناستيكا) 1 التىن، 2 قولا
8. ادەليادا پچەلينتسەۆا (سۋعا ءجۇزۋ) 1 التىن، 1 قولا
9. الىشەر جۇماحان (ۆەلوسپورت) 1 التىن 1 قولا
10. سوفيا ابۋباكىروۆا (سۋعا ءجۇزۋ) 1 التىن
11. قايسار الپىسباي (كاراتە) 1 التىن
12. سوفيا بەرۋلتسەۆا (كاراتە) 1 التىن
13. بەرىك ىسقاقوۆ (كيكبوكسينگ) 1 التىن
14. ميحايل ليتۆين (جەڭىل اتلەتيكا) 1 التىن
15. ءاليحان وزدوەۆ (كيكبوكسينگ) 1 التىن
16. ماحات ءۇسىپ (كيكبوكسينگ) 1 التىن
17. ارتەم زاحاروۆ (ۆەلوسپورت) 1 التىن
18. نۇرسۇلتان جۇماباەۆ (كيكبوكس) 1 التىن
19. ليۋبوۆ كوۆالچۋك (اۋىر اتلەتيكا) 3 كۇمىس
20. اراي نۇرلىبەكوۆا (اۋىر اتلەتيكا) 3 كۇمىس
21. الەكسەي چۋركين (اۋىر اتلەتيكا) 3 كۇمىس
22. ارتەم انتروپوۆ (اۋىر اتلەتيكا) 2 كۇمىس
23. ايشا وماروۆا (اۋىر اتلەتيكا) 2 كۇمىس
24. اسىلحان بەكتاي (اۋىر اتلەتيكا) 1 كۇمىس
25. ءمادينا باقبەرگەنوۆا (كۇرەس) 1 كۇمىس
26. ميلاد كاريمي (سپورتتىق گيمناستيكا) 1 كۇمىس
27. ناريمان قۇربانوۆ (سپورتتىق گيمناستيكا) 1 كۇمىس
28. دميتري پاتانين (سپورتتىق گيمناستيكا) 1 كۇمىس
29. رۋسلان ستەپانوۆ (كيكبوكسينگ) 1 كۇمىس
30. دميتري موسكوۆ (ۆەلوسپورت) 1 كۇمىس
31. كسەنيا يگناتوۆا (سۋعا ءجۇزۋ) 3 قولا
32. وتەپبەرگەن اليەۆ (اۋىر اتلەتيكا) 2 قولا
33. ادلان اسقاروۆ (كۇرەس) 1 قولا
34. ءجاميلا باقبەرگەنوۆا (كۇرەس) 1 قولا
35. امانعالي بەكبولاتوۆ (كۇرەس) 1 قولا
36. جانسەل دەنيز (تاەكۆوندو) 1 قولا
37. دانيەلا دۋ (سۋعا ءجۇزۋ) 1 قولا
38. مامەد يبراگيموۆ (كۇرەس) 1 قولا
39. نۇرداۋلەت قالشورا (كيكبوكسينگ) 1 قولا
40. راحات قالجان (كۇرەس) 1 قولا
41. اسەل قاناي (كاراتە) 1 قولا
42. شارا حامزينا (كيكبوكس) 1 قولا
43. باۋىرجان حاسەنوۆ (تاەكۆوندو) 1 قولا
44. جاسۋربەك كلىچوۆ (تاەكۆوندو) 1 قولا
45. باتىرحان قۋاندىقوۆ (كيكبوكسينگ) 1 قولا
46. مارينا كۋزمينا (ۆەلوسپورت) 1 قولا
47. يرينا كۋزنەتسوۆا (كۇرەس) 1 قولا
48. ەللادا ماحياتدينوۆا (كۇرەس) 1 قولا
49. كريستينا وۆچيننيكوۆا (جەڭىل اتلەتيكا) 1 قولا
50. سۆەتلانا پاششەنكو (ۆەلوسپورت) 1 قولا
51. قانات سەيىلحان (دزيۋدو) 1 قولا
52. دەنيس جولۋدەۆ (ۇستەل تەننيسى) 1 قولا

مىنە، جوعارىدا ەسىمدەرى اتالعان ۇل-قىزدارىمىز يسلام ويىندارىنىڭ قاھارماندارى اتانىپ، 27 رەت ءانۇرانىمىزدى شىرقاتسا، 89 رەت كوك تۋىمىز كوككە كوتەرىلدى. يسلامياداعا قاتىسقان 56 مەملەكەتتەن 12-ءسى بىردە-ءبىر جۇلدەگە ىلىككەن جوق. ءبىزدىڭ سپورتشىلار ۇزدىك بەستىكتەن كورىندى. جەڭىس قۇتتى بولسىن اعايىن! قازاق سپورتىنىڭ داڭقى ارتا بەرسىن! «سپورت جۇلدىزدارى» جۋرنالى ەكى اپتا بويى سىزدەرگە تۇركيانىڭ كونياسىنان كۇن سايىن سپورتشىلارىمىزدىڭ ءاربىر جەتىستىگىن سول بويدا جەتكىزىپ، ءسۇيىنشى سۇراپ وتىردى. تۇركياعا بارماساق تا سىزدەرگە يسلام ەلدەرىنىڭ وليمپياداسىنا اينالعان ويىنداردىڭ ءوتۋ بارىسىن جەدەل جەتكىزۋگە تىرىستىق. سپورتشىلارىمىزدىڭ جەڭىسىنە سىزدەرمەن بىرگە قۋانىپ، جەڭىلىستەرىنە بىرگە مۇڭايدىق.

الداعى ۋاقىتتا جەڭىستى كۇندەرىمىز كوپ بولسىن دەيمىز اعايىن! سپورتشىلار كۇنى بارشاڭىزعا قۇتتى بولسىن! ەلىمىز امان، بەيبىتشىلىك زامان بولسىن! اللا تاعالا قازاق ەلىن بالە-جالەدەن ساقتاسىن!  ءار قازاقتىڭ شاڭىراعىندا قۋانىش، شاتتىق، توي بولسىن!