جاستاردى جەڭىسكە جەتەلەگەن ءجاميلا

بۇگىن الماتى قالاسىنداعى №8 وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر سپورت مەكتەبىنىنە جول ءتۇسىپ باس سۇققان ەدىم. بۇل سپورت مەكتەبىندە جاتتىعىپ جاتقان جاسۇلاندار ەلىمىزدىڭ ابىرويىن الەمدىك جارىستاردا تابىستى قورعاپ جۇرگەن دارىندى جاستار. نەگىزى «ەل ءىشى — كەن ءىشى»، دەمەكشى قازاق دالاسى تالانتتارعا تۇنىپ تۇر. تەك ولاردى تاني بىلەتىن، جىگەرىن قايراپ جاني بىلەتىن ماماندار بولسا بولعانى.

«بۇلاق كورسەڭ كوزىن اش»، دەگەن بابالارىمىز، بويىنان ونەرى تاسىپ، دۇرىس جولدا جۇمساي الماي تاسادا قالىپ جاتقان قانشاما قاراكوز جاستارمىز بار. دەگەنمەندە «التىن كۇلدىڭ اراسىندا جاتسا دا جىلتىراپ جاتادى»، دەمەكشى، الدىنا ماقسات، مەجە قويا بىلگەن تۋما تالانتتار ءبىر جەردەن تەسىپ شىعارى انىق. مىنە، سونداي تالانتتاردى تاۋىپ الىپ، باعىن اشىپ جاتاتىن شاhارىمىزدا سپورت مەكتەپتەرى بار. سولاردىڭ قاتارىندا الماتى قالاسىنداعى №8 وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر سپورت مەكتەبىنە ەرەكشە توقاتالاعان ورىندى.

بۇل مەكتەپتى  ءوز ءىسىنىڭ مامانى، جاستارعا بويىنا قازاقى نامىستى قۇيا بىلەتىن، ەرلەر كوتەرەر اۋىر جۇكتى ءوزى كوتەرە بىلەتىن، بىلىكتى باسشى، ىسىنە كوركى ساي  ءجاميلا تاناباەۆا حانىم باسقارادى. مەن ءجاميلانى كوپ جىلدان بەرى جاقسى تانيمىن. ءوز ىسىنە ادال بەرىلگەن جان بولسا مەن ءجاميلانى ايتار ەدىم. سۇيگەن ءىسىنىڭ سۇيەنىشىن كورىپ وتىرعان ءجاميلا «تىنىمسىز، تاباندى ەڭبەك ەتسەڭ عانا مۇراتىڭا جەتەسىڭ»، دەگەن قايعدانى بەرىك ۇستاعان جاننىڭ ءبىرى. سوندىقتاندا ول ءوز شاكىرتەرىنە تاڭداعان سپورت تۇرىنە ۇلكەن قۇرمەتپەن قاراپ، ەل نامىسى ءۇشىن تەر توگۋ جولىندا جىلدار بويى جيعان تاجىربەسىن بارىنشا بەرىپ كەلەدى.

تاعى ءبىر ايتار جاي، مەن ءجاميلانى ءوزىمنىڭ تۋعان انام راپياعا ۇقساتىمىن. انام 40 جىل بويى اۋىل كلۋبىندا حالىققا كينو قويىپ تىنباي ەڭبەك ەتىپ، جەمىسىن كورە بىلگەن جان ەدى. سول سەبەپتەن قازاق ايەلدەرى اراسىنان تۇڭعىش كينومەكحانيك بولىپ اتى قالدى. انام مارقۇمنان ادام ءوز ماماندىعىنا جاۋاپكەرشىلىكپەن قاراپ، جان تانىمەن بەرىلىپ جۇمىس جاساعاندا عانا جەمىسىن كورەتىندىگىن كورىپ ءبىلىم ءوستىم. ول كىسىنىڭ بويىنداعى ەڭبەكقورلىق پەن مەيىرىمدىلىكتى، ادالدىق پەن مول تاجىربيەنى مەن بۇگىن ءجاميلانىڭ بويىنان كورگەندەي بولامىن. ءيا، ارقاشاندا وسى مەكتەپ پەن ءجاميلا حانىمنىڭ سپورت سالاسىنداعى ءىرى جەتىستىكتەرىنە قاراپ قۋانامىن. ويتكەنى، ءجاميلانىڭ شاكىرتتەرى قازىرگى تاڭدا الەم جارىستارىندا ۇلكەن ناتيجەلەرمەن ەلىمىزدىڭ مەرەيىن وسىرۋدە. مىنە، جاقىندا عانا تاعى ءبىر ەكى سپورتشى قۇزعا ورمەلەۋ سپورتىنان الەم باسەكەسىندە قازاقستاننىڭ نامىسىن قورعاپ جاتىر.

حوش، سونىمەن مەن ايتۋلى مەكتەپكە كەلگەندە كوپتەگەن توسىن تابىستاردىڭ كۇاسى بولدىم. نەگىزگى ماقساتىم جۋىردا عانا جارىق كورگەن «ىزگىلىكپەن ورىلگەن ءومىر» اتتى قازاق سپورتىنداعى 30 جىلدىق ەڭبەگىم ساراپتالىپ جازىلعان كىتابىمنىڭ ءبىر پاراسىنىڭ كەيىپكەرى ءجاميلا تانباەۆامەن كەزدەسىپ، كىتاپپەن قوسا قۇرمەت ديپلومىن تابىس ەتۋ ەدى. «جولى بولار جىگىتتىڭ جەڭگەسى الدىنان شىعادى»، دەمەكشى ءجاميلا  ءوز جۇمىس ورنىندا ەكەن. جاقسى اداممەن جۇزدەسەڭ جانىڭ جادىراپ قالارى ءسوزسىز عوي. ەكەۋارا اڭگىمەمىز قازاق سپورتىنىڭ توڭىرەگىندەگى مايتالاندارى مەن ايتۋلى سپورت مەكتەبىنىڭ بۇگىنگى كۇنگى جەتىستىكتەرى تۋرالى بولدى.

تارتىمدى اڭگىمەمىزدىڭ سوڭىندا مەن ءتول كىتابىمنىڭ شىعۋىنا جاردەمدەسكەن ايالۋى قىز جاميلاعا قۇرمەت ديپلومىن تارتۋ ەتتىم. وسىلايشا قازاقتىڭ سپورت دەسە جانىن بەرەتىن، قازاقتىڭ دارىندى جاستارىنىڭ بويىنا نامىس ۇيالاتىپ، جىگەرىن قايراپ وتىرعان بىلىكتى باسشى، بىلگىر مامان ءجاميلا تاناباەۆا مەن ەستەلىككە سۋرەتكە ءتۇسىپ، جىلى قوشتاسىپ شىعىپ كەتتىم. جولدا كەتىپ بارا جاتىپ، كەشەگى باتىر قىز توميريس، قىز جىبەك پەن بايان سۇلۋ، قىز قۇرتقا مەن اقجۇنىس، نازىم جانە گۇلبارشىن ارۋلار ەل قورعاعان باتىرلارعا ءارى سەرىك ءارى جار بولىپ قانا قويماي، ەل باسىنا كۇن تۋعاندا اتقا قونىپ قولىنا قارۋ ۇستاپ ەلىن قورعادى. ال، بۇگىنگى بەيبىت ءومىردىڭ ەڭبەك مايدانىنىندا قازاقتىڭ قايسار قىزدارى قوعامدا بەلسەندىلىك تانىتىپ، ءتۇرلى سالالاردا وزىپ العا شىعىپ كەلەدى. سولاردىڭ ءبىر بىرەگەيى ءجاميلا تاناباەۆا سەكىلدى قاراكوزدەرىمىز كوپ بولسا ەل سپورتىنىڭ ەڭسەسى بيىكتەي تۇسەر ەدى عوي دەگەن ويدا قالدىم.

اقىن ورداباي ۇلى،

الماتى