«Astana» – fýtboldan 2022 jylǵy Qazaqstan chempıony!

2022 jylǵy fýtboldan Qazaqstan chempıonatynyń sońǵy 26 týrynda «Astana» komandasy syrt alańda qaraǵandylyq «Shahter» komandasyn 2-3 esebimen utyp, jetinshi ret Qazaqstan chempıony atandy. 

Elordalyq komanda 26 oıynda 65 gol soǵyp, óz qaqpalaryna 24 gol ótkizip 53 upaımen týrnır kestesinde birinshi orynǵa shyqty.

Chempıonattyń eń úzdik surmergeni astanalyq Pedro Eýjenıo (18 gol), eń úzdik assıstent astanalyq Marın Tomasov (9 assıst) jáne gol+pas kórsetkishi boıynsha da Marın Tomasov (24 – 15 gol, 9 assıst) boldy.

Sońǵy týrǵa deıin «Astana» komandasymen úzeńgi qaǵystyryp kelgen «Aqtóbe» komandasy sońǵy týrda almatylyq «Qaıratty» 4-1 esebimen utyp, 52 upaımen ekinshi oryn aldy. Aqtóbelik komanda bıylǵy chempıonatta jalpy sany 43 gol soǵyp, 28 gol jiberip qoıǵan.

Chempıonattyń qol júldegeri byltyrǵy chempıon «Tobyl» komandasy. Qostanaılyqtar 46 gol soǵyp, 33 dop jiberip 47 upaı jınady.

Al týrnır kestesiniń eń sońynan «Turan» men «Aqjaıyq» komandalar kórindi. Olar tıisinshe 28 jáne 25 upaı ǵana jınap, kelesi jyly premer lıgadan birinshi lıgaǵa túsedi. Olardyń ornyna birinshi lıgadan premer lıgaǵa «Oqjetpes» pen «Qaısar» komandasy keledi.

Osymen «Astana» komandasy jetinshi ret Qazaqstan chempıony bolyp otyr.

Esterińizge sala keteıik, elordalyq komanda 2014-2019 jyldar aralyǵynda qatarynan alty ret chempıon bolǵan edi. Al 2020, 2021 jyldary chempıonatty tıisinshe «Qaırat» jáne  «Tobyl» komandalary utqan bolatyn.

Dastan KENJALIN,

ASTANA