SportPress.kz Qazaqstan sport jańalyqtary
Baýyrjan Islamhan Qazaqstan ulttyq quramasynyń qarasha aıynda О́zbekstan jáne Birikken Arab Ámirlikterimen ótkizetin joldastyq matchtaryna shaqyrtý aldy. Bul týraly Qazaqstan fýtbol federaııasy habarlady.
«Fýtbolshynyń eki jyldyq dıskvalıfıkaııasy aıaqtalyp, kásipqoı komandamen jattyǵýdy jalǵastyrýǵa bolatyny týraly tıisti qujattar alyndy», – delingen habarlamada.
Qazaqstan quramasynyń jattyqtyrýshylar shtaby bir aı boıy Baýyrjan Islamhanmen jattyqtyrý jumysyn júrgizip, komandaǵa shaqyrý týraly sheshim qabyldady.
«Baýyrjan týraly kóp estigenmin. Onyń úlken talanty men mol tájirıbesi bar. Aldaǵy oqý-jattyǵý jıynynda onyń daıyndyǵyn qaraımyz. О́ıtkeni, eki jyldaı Islamhannyń oıyn tájirıbesi bolmady. Oqý-jattyǵý jıynynda onyń babynyń qandaı ekenin kórip, aldaǵy oıyndarǵa qanshalyqty daıyn ekenin biletin bolamyz», – dedi Qazaqstan quramasynyń bas jattyqtyrýshysy Magomed Adıev.
Baýyrjan Islamhan alǵash ret Qazaqstan quramasynyń sapynda 2012 jylǵy 29 aqpan kúni Latvııaǵa qarsy joldastyq matchta alańǵa shyqty. Ulttyq quramanyń qatarynda 46 oıyn ótkizip, úsh goldyń avtory atandy.
Sońǵy ret ol Qazaqstan quramasynda 2020 jyldyń qyrkúıek aıynda Belarýs komandasyna qarsy oınady.
Dastan KENJALIN,
ASTANA
