Álem chempıonaty: Qazaqstan samboshylary 10 medal aldy

Qyrǵyzstannyń astanasy Bishkek qalasynda ótken sambodan álem chempıonatynda Qazaqstannyń ulttyq qurama komandasy 3 kúmis, 7 qola júlde aldy.

Jarystyń úshinshi kúninde jaýyngerlik sambodan 71 kelige deıingi salmaqta Áset Anarbaev fınalǵa shyǵyp, ızraıldik Tarıel Abbasovqa ese jiberdi. Al 88 kelide Aıbek Sametaev jartylaı fınalda súrinip, qola júldege ıe boldy.

Taǵy bir qola medaldi áıelder arasynda 80 keliden asa salmaqta Araılym Ábenova aldy.

Budan bir kún buryn álem chempıonatynda Dildásh Quryshbaeva (72 kg), Arnur Qýataı (71 kg) men Mıras Ýálıev (58 kg) qola júldeger atandy.

Al 11 qarashada Qaıyrberdi Aıdynbaı (58 kg) men Asylbek Smaıylov (79 kg) kúmis júldeger bolsa, Gúldana Álmuhambetova (54 kg) men Raıhan Mádı (98 kg) úshinshi orynnan kórindi.

Ulttyq quramanyń bas jattyqtyrýshysy Birjan Imahanovtyń aıtýynsha, sheshýshi sátte keı samboshylarymyzǵa sáttilik jetpeı jatty. Degenmen Qazaqstan komandasy úshin bıylǵy doda sátti ótti. Bıyl kóptegen jas sportshy quramaǵa qosyldy. Soǵan qaramastan, olar júlde almasa da úzdik bestikten kórinip jatyr.

Dastan KENJALIN,

ASTANA