قازاقستان الەم چەمپيوناتىنا ەكى جولداما الدى

تايلاندتا سۋ دوبىنان ازيا چەمپيوناتى اياقتالدى. ول 7-14 قاراشا ارالىعىندا وتتى. وعان ون ەرلەر مەن التى ايەلدەر كومانداسى قاتىستى.

قازاقستاننىڭ ەرلەر مەن ايەلدەر قۇراما كوماندالارى ءۇشىنشى ورىن الىپ، قولا مەدال جەڭىپ الدى. بۇل بىلىكتىلىك ولارعا 2023 جىلدىڭ شىلدەسىندە فۋكۋوكادا (جاپونيا) وتەتىن 19-FINA سۋ سپورتىنان الەم چەمپيوناتىنا قاتىسۋعا مۇمكىندىك بەردى.

وعان 200-دەن استام ەلدەن 5000-عا جۋىق سپورتشى قاتىسىپ، ءجۇزۋ، سۋ دوبى، اشىق سۋدا ءجۇزۋ، سۋعا سەكىرۋ جانە كوركەم جۇزۋدەن 76 مەدال جيىنتىعىن ساراپا سالادى.

چەمپيونات باستاپقىدا 2021 جىلدىڭ جازىندا ءوتۋى كەرەك ەدى. الايدا 2020 جىلعى جازعى وليمپيا ويىندارىن توكيوعا اۋىستىرعاننان كەيىن جانە ەكى جارىستىڭ دا كۇندەرىن بەكىتىپ تاستاعاننان كەيىن سۋ سپورتىنان الەم چەمپيوناتى 2022 جىلعا اۋىستىرىلعان. 2022 جىلدىڭ قاڭتارىندا جالعاسىپ جاتقان Covid-19 پاندەمياسىنا بايلانىستى چەمپيوناتتى حالىقارالىق ءجۇزۋ فەدەراتسياسى بارلىق قاتىسۋشىلارعا ءتۋرنيردىڭ قاۋىپسىز جانە ءساتتى وتۋىن قامتاماسىز ەتۋ ءۇشىن تاعى ءبىر جىلعا اۋىستىردى.

داستان كەنجالين،

استانا