Túrkistanda qazaq kúresinen Azııa kýbogy bastaldy

Túrkistanda qazaq kúresinen eresekter arasynda Qajymuqan Muńaıtpasulynyń júldesine arnalǵan Azııa kýbogy úshin halyqaralyq týrnıri bastaldy. Dástúrli jarysta Tájikstan, О́zbekstan, Qyrǵyzstan, Qytaı memleketteri men elimizdiń barlyq óńirlerinen kelgen 300-ge jýyq sportshy kúsh synasady.

Azııa kýbogynda saıdyń tasyndaı iriktelegen bilekti de júrekti balýandarǵa Túrkistan oblysy ákiminiń orynbasary Arman Sabıtov sáttilik tilep, oblys ákimi Darhan Satybaldynyń quttyqtaý hatyn oqyp berdi.

Qazaq kúresi – ulttyq sport túrleriniń ishinde ózindik orny bar erekshe sporttyń túri. Qazirgi ýaqytta álemniń 40-tan asa elinde ulttyq kúresimizden federaııalar qurylyp, jumys atqarýda. Qazaq kúresinen Álem, Azııa, Afrıka jáne Eýropa chempıonattary ótkizilip, damýdyń jańa deńgeıine kóterildi. Keıingi on jyl kóleminde ótip jatqan «Qazaqstan barysy», «Eýrazııa barysy» jáne  «Álem Barysy» dodalary da búginde kórermen kózaıymyna aınalyp otyr. Biz ulttyq sportymyzǵa qoldaý kórsetýge árqashan daıynbyz! – delingen quttyqtaý hatynda.

Eki kún boıy jalǵasatyn balýandar beldesýinde 55, 60, 66, 74, 82, 90, 100, +100 keli salmaq dárejesindegi úzdikter anyqtalatyn bolady. Jarystyń bas tóreshisi Erlan Imanǵalıevtiń aıtýynsha, jeńimpazdarǵa qarjylaı syı-sıpat usynylyp, túıe balýanǵa avtokóliktiń kilti tabys etiledi.

Jýyrda Túrkistan qalasynda qazaq kúresinen «Turan barysy» Azııa kýbogy uıymdastyrylyp, jarystyń nátıjesinde Qazaqstan qurama komandasy jeńimpaz atanǵan bolatyn. Jalpy Túrkistan  oblysynda 4 oblystyq, 28 aýdandyq jáne qalalyq balalar men jasóspirimder sport mektebinde qazaq kúresi bólimderi bar. Onda 148 jattyqtyrýshy 3600-den asa balaǵa oqý-jattyǵý jumystaryn júrgizedi.

Ǵabıt SAPARBEK,

TÚRKISTAN

Foto: Túrkistan oblysy ákiminiń baspasóz qyzmeti