دۇرىس قاناتتانعان ءتۇزۋ ۇشادى

سپورت – دەنساۋلىق كەپىلى دەسەك، دەنە شىنىقتىرۋمەن بەلسەنە اينالىسقان جانعا ەشقانداي دەرت تۇزاعىن سالا المايدى. زاماننىڭ اعىمىنا قاراي اعىسپەن ارپالىسا ەڭبەك ەتىپ جاتقان سپورت مەكتەپتەرىنىڭ يگىلىكتى ىستەرى ەشقاشان ەلەۋسىز قالمايتىنى ءبىر انىق.

ايتالىق، بۇگىندە كاركەن احمەتوۆ اتىنداعى وليپيادالىق رەزەرۆىنىڭ ارنايى رەسپۋبليكالىق مامانداندىرىلعان مەكتەپ-ينتەرنات كوللەدجى ەلدەگى ىلگەرى وقۋ جəنە سپورت ورداسىنىڭ ءبىرى بولىپ سانالادى. بۇل مەكتەپتە ءتəلىم الىپ جاتقان دارىندى جاسوسپرىمدەر سپورتپەن بەلسەنە اينالىسىپ، تابىستان تابىسقا جەتىپ كەلەدى.

جاقىندا وڭتۇستىك كورەيانىڭ سۋنچحون قالاسىندا جاسوسپىرىمىدەر اراسىندا كروسس-كانتري وليمپيك جارىس تۇرىنەن وتكەن ازيا چەمپيوناتىندا ايتۋلى مەكتەپتىڭ 1 كۋرس ستۋدەنتى الينا سپيرينا توپ جارىپ الدا كەلسە، سەمسەرلەسۋدەن 19-20 قاراشا كۇنى جاسوسپىرىمدەر اراسىندا تاشكەنتتە وتكەن əلەم كۋبوگىندە ۇلتتىق قۇراما ساپىندا ونەر كورسەتكەن سپورت مەكتەپ-ينتەرنات-كوللەدجدىڭ سەمسەرلەسۋشىلەرى ناتاليا زينياكوۆا مەن الەكساندرا تامبوۆتسەۆا كۇمىس جۇلدەگەر اتانىپ، ۇلكەن جەتىستىككە جەتكەن ەكەن.سونىمەن قاتار، جۋىردا تاەكۆوندودان اۋعان سوعىسى جاۋىنگەرلەرىن ەسكە الۋعا ارنالعان رەسپۋبليكالىق تۋرنيردە وسى مەكتەپ-ينتەرناتتاعى تاەكۆوندو ءبولىمىنىڭ سپورتشىلارى ەكى التىن، ەكى كۇمىس جəنە ءبىر قولا، بار جيىنتىعى 5 مەدال جەڭىپ العان. ايتا بەرسەڭ تابىسى تاۋسىلماس كاركەن احمەتوۆ اتىنداعى وليپيادالىق رەزەرۆىنىڭ ارنايى رەسپۋبليكالىق مامانداندىرىلعان مەكتەپ-ينتەرنات كوللەدجىنىڭ دارىندى سپورتشىلارى ەل نامىسىن حالىقارالىق، əلەمدىك بايراقتى جارىستاردا جەرگە قاراتپاي، جەڭىس بيىگىنەن وسىلايشا كورىنىپ كەلەدى.

«ءبىلىم ءومىر شىراعى»، دەمەكشى، سپورتپەن بىرگە ءبىلىمدى دە دامىتىپ وتىرۋعا جاس ۇرپاق مىندەتتى. بۇل مەكتەپتىڭ دارىندى وقۋشىلارى دودالى جارىستارعا عانا بار بەيىمىن سارپ ەتپەي، مəدەني-رۋحاني بىلىمدەرىن شىڭداۋعا بارىنشا كوڭىل ءبولىپ وتىرادى. سونىڭ ءبىر ايعاعى جاقىندا ك.احمەتوۆ اتىنداعى رەسپۋبليكالىق ارنايى مامانداندىرىلعان وليمپيادالىق رەزەۆەنىڭ مەكتەپ-ينتەرنات كوللەدجىنىڭ شاڭىراعىندا اسا كورنەكتى مەملەكەت جəنە قوعام قايراتكەرى، ءۇش مəرتە سوتسياليستىك ەڭبەك ەرى، قازاق كسر عىلىم اكادەمياسىنىڭ اكادەميگى، تەحنيكا عىلىمدارىنىڭ دوكتورى دىنمۇحاممەد احمەت ۇلى قوناەۆتىڭ 110 جىلدىعىنا ارنالعان ءىس-شارالار جوعارى دەڭگەيدە اتالىپ ءوتتى. ەڭبەگى ەلىنە سىڭگەن ارداقتى تۇلعانىڭ ءبىرى ءارى بىرىگەيى دىنمۇحاممەد احمەت ۇلى قوناەۆتىڭ مۇراجايىنا ساياحات جاساعان جاسوپىرىمدەر ۇلكەن əسەر الدى. كوپ جىلدار بويى قازاقستاندى باسقارىپ، ەل ەكونوميكاسى مەن حالىقتىڭ əل-اۋقاتىنىڭ جاقسارۋىنا وراسان ۇلەسىن قوسقان دىنمۇحاممەد احمەت ۇلىنىڭ ەسىمى ەل ەسىنەن ۇمىتىلماسا انىق. ۇلت قايراتكەر دىنمۇحاممەد قوناەۆقا ارنالىپ باستالعان ءىس-شارا الدىمەن مۇراجايدى ارالاۋدان باستالعان ەدى. ايتۋلى مەكتەپ –ينتەرناتتىڭ دارىندى جاس سپورتشىلارى مۇراجاي ءىشىن ارلاپ ءجۇرىپ، د.ا.قوناەۆتىڭ تۇرعان ءۇيىن، مۇراجايداعى قۇندى جəدىگەر بولىپ ەسەپتەلەتىن كىتاپتار مەن كوزى تىرىسىندە قولدانعان زاتتارىن كورىپ ۇلكەن əسەر الدى. جاس ۇرپاقتىڭ تانىمدىق دۇنيەسىن بايىتۋدا وسىنداي ىزگىلىكتى شارالاردىڭ ورنى ەرەك. مەكتەپ وقۋشىلارىمىز قازاقستاننىڭ دامۋىنا سىڭىرگەن ەڭبەگى كەمەل اتالارىنىڭ ءومىرى جايلى كوپتەگەن تىڭ ماعلۇماتتارعا قانىق بولىپ، العان əسەرلەرىمەن ءبولىسىپ جاتتى.

يگىلىكتى شارا جالعاسىن كəركەن احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىنىڭ دزيۋدو اكادەمياسىندا جالعاسىن تاپتى. قازاقستان بويىنشا تەڭدەسى جوق سالىنعان دزيۋدو اكادەمياسىنىڭ ىشىندە دىنمۇحاممەد احمەت ۇلى قوناەۆتىڭ 110 جىلدىعىنا ارنالىپ الامان دزيۋدودان ءتۋرنيرى بولىپ ءوتتى.

تۋرنيرگە ايتۋلى مەكتەپ-ينترەنات كوللەدجدىڭ بىلەكتى جاس بالۋاندارى مەن بىرگە «شاڭىراق» شاعىن اۋدانىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىنىڭ دزيۋدوشىلارىدا قاتىستى. تۋرنير جولداستىق كەزدەسۋ جۇيەسىمەن وتكىزىلدى. الدىمەن مەكەمە باسشىسى ەرنار تالاسبەك ۇلى قازاقتىڭ دارا تۇلعاسى دىنمۇحاممەد قوناەۆ اتامىزدىڭ ەلگە سىڭىرگەن ەڭبەكتەرىن اتاپ ءوتىپ، جارىسقا قاتىسۋشىلارعا سəتتىلىك تىلەدى. بۇل شاراعا ارانيى د.ا.قوناەۆ اتىنداعى حالىقارالىق قوردان كەلگەن قوناقتاردا وزدەرىنىڭ جىلى لەبىزدەرىن ءبىلدىرىپ، جارىس جەڭىمپازدارى مەن جۇلدەگەرلەرى قور ەسەبىنەن سىيلىقتار تابىس ەتتى.

دزيۋدوشىلار تاتاميگە شىقپاس بۇرىن سپورت مەكتەپ[1]ينتەرنات-كوللەدجدىڭ وزگەدە بولىمدەرى وزدەرىنىڭ شەبەرلىكتەرىن كورەرمەندەرگە ۇسىندى. كوركەم گيمناستيكا جəنە سپورتتىق گيمناستيكا سپورتشىلارى اكروباتيكا ەلەمەنتتەرىن قوسىپ بيلەسە، سەمسەرلەسۋ ءبولىمى قىلىشتاسۋ ونەرىن، دزيۋدوشىلارىمىز كۇرەستەرىندەگى ءəدىس تəسىلدەرىن əسەرلەتە كورسەتتى. ءتۋرنيردىڭ نەگىزگى بولىگىندە ەلىمىزدەگى ەكى شوقتىعى بيىك سپورت مەكتەپتەرىنىڭ اراسىندا دزيۋدو بالۋاندارىنىڭ تارتىستى بəسەكەلەرى بولىپ ءوتتى.

ەكى سپورت مەكتەپ-ينتەرنات كوللەدجدەرىنىڭ اراسىنداعى 7 سالماق بويىنشا جەكپە-جەكتەردە، كəركەن احمەتوۆ اتىنداعى وليمپيادالىق رەزەرۆىنىڭ رەسپۋبليكالىق مامانداندىرىلعان مەكتەپ[1]ينتەرنات-كوللەدجىنىڭ دزيۋدوشىلارىنىڭ اسىعى الشىسىن ءتۇسىپ جەڭىسكە جەتتى. جارىستىڭ جەڭىمپازدارى مەن جۇلدەگەرلەرى ءتيىستى ماراپاتتارىن الدى. جارىس سوڭىندا بارلىعى ەستەلىك سۋرەتكە ءتۇسىپ ءبىر جاساپ قالدى. نەگىزى وسى تاريحى تەرەڭنەن تاراۋ العان ايتۋلى مەكتەپتىڭ قابىرعاسىنان ەلىمىزگە تانىمال كوپتەگەن سپورتشىلاردىڭ شوعىرى شىقتى. مىسالى، دزيۋدو كۇرەسىنەن اسحات جيتكەەۆ، ەلدوس سمەتوۆ سىندى ساڭلاقتارىمىز وليمپيادا ويىندارىندا كۇمىس جۇلدەلەردى يەلەنىپ، كوك بايراعىمىزدى كوكتەن جەلبىرەتسە، التىن القالى اعالارىنىڭ ءىزىن جالعاستىرۋشى جاس تالانت بەكارىس سəدۋاقاس ارگەنتينانىڭ استاناسى بۋەنوس-ايرەستە جاسوسپىرىمدەر اراسىندا وتكەن ءىىى وليمپيا ويىندارىنىڭ چەمپيونى اتانىپ، ەلىمىزدىڭ اتىن شىعاردى. مىنە، وسىنداي قازاق سپورتىنىڭ ماقتانىشىنا اينالعان ءاپايتوس سپورتشىلاردىڭ كوپشىلىگى وسى كاركەن احمەتوۆ اتىنداعى وليپيادالىق رەزەرۆىنىڭ ارنايى رەسپۋبليكالىق مامانداندىرىلعان مەكتەپ-ينتەرنات كوللەدجدىڭ قابىرعاسىنان قاناتتارى قاتايىپ تۇلەپ ۇشسا، كەيبىر جاس تالانتتار ءبىلىمىن ۇشتاپ جاتتىعۋىن ءəلى جالعاستىرۋدا.

بۇگىندە قۇرىلىسى جاڭارىپ، جاڭاشا كورىنىس العان ايتۋلى مەكتەپ-ينتەرناتتىڭ اۋلاسىندا ورنالاسقان ءزəۋلىم دزيۋدو اكادەمياسى تالانتتى بالۋانداردى شىعارىپ جاتقان ۇستاحانا ىسپەتتى. سوندىقتان دا بۇل مەكتەپ-ۇجىمى بارلىق ماقتاۋعا لايىقتى جۇمىس ىستەپ كەلە جاتقانىنىڭ كۋəسى بولامىز. يگىلىكتى شارالار ارقىلى جاسوسپىرمدەرگە دۇرىس باعىتتا تəربيە شارالارىن بەرىپ جاتقان كəركەن احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىنىڭ الار اسۋلارى ءəلى الدا. «دۇرىس قاناتتانعان ءتۇزۋ ۇشادى»، دەگەن ءسوز بار قازاقتا. ەندەشە، قاناتتارى دۇرىس قاتايعان جاستۇلەك سپورتشىلارىمىز ەل نامىسىن ابىرويمەن قورعايدى دەپ سەنەمىز

اقىن ورداباي ۇلى،

الماتى