Durys qanattanǵan túzý ushady

Sport – densaýlyq kepili desek, dene shynyqtyrýmen belsene aınalysqan janǵa eshqandaı dert tuzaǵyn sala almaıdy. Zamannyń aǵymyna qaraı aǵyspen arpalysa eńbek etip jatqan sport mektepteriniń ıgilikti isteri eshqashan eleýsiz qalmaıtyny bir anyq.

Aıtalyq, búginde Kárken Ahmetov atyndaǵy Olıpıadalyq rezerviniń arnaıy respýblıkalyq mamandandyrylǵan mektep-ınternat kolledji eldegi ilgeri oqý jəne sport ordasynyń biri bolyp sanalady. Bul mektepte təlim alyp jatqan daryndy jasósprimder sportpen belsene aınalysyp, tabystan tabysqa jetip keledi.

Jaqynda Ońtústik Koreıanyń Sýnchhon qalasynda jasóspirimider arasynda kross-kantrı olımpık jarys túrinen ótken Azııa chempıonatynda aıtýly mekteptiń 1 kýrs stýdenti Alına Spırına top jaryp alda kelse, semserlesýden 19-20 qarasha kúni jasóspirimder arasynda Tashkentte ótken əlem kýbogynde ulttyq qurama sapynda óner kórsetken sport mektep-ınternat-kolledjdiń semserlesýshileri Natalıa Zınıakova men Aleksandra Tamboveva kúmis júldeger atanyp, úlken jetistikke jetken eken.Sonymen qatar, jýyrda taekvondodan Aýǵan soǵysy jaýyngerlerin eske alýǵa arnalǵan respýblıkalyq týrnırde osy mektep-ınternattaǵy taekvondo bóliminiń sportshylary eki altyn, eki kúmis jəne bir qola, bar jıyntyǵy 5 medal jeńip alǵan. Aıta berseń tabysy taýsylmas Kárken Ahmetov atyndaǵy Olıpıadalyq rezerviniń arnaıy respýblıkalyq mamandandyrylǵan mektep-ınternat kolledjiniń daryndy sportshylary el namysyn halyqaralyq, əlemdik baıraqty jarystarda jerge qaratpaı, jeńis bıiginen osylaısha kórinip keledi.

«Bilim ómir shyraǵy», demekshi, sportpen birge bilimdi de damytyp otyrýǵa jas urpaq mindetti. Bul mekteptiń daryndy oqýshylary dodaly jarystarǵa ǵana bar beıimin sarp etpeı, mədenı-rýhanı bilimderin shyńdaýǵa barynsha kóńil bólip otyrady. Sonyń bir aıǵaǵy jaqynda K.Ahmetov atyndaǵy respýblıkalyq arnaıy mamandandyrylǵan Olımpıadalyq rezeveniń mektep-ınternat kolledjiniń shańyraǵynda asa kórnekti memleket jəne qoǵam qaıratkeri, úsh mərte Soıalıstik Eńbek Eri, Qazaq KSR Ǵylym akademııasynyń akademıgi, tehnıka ǵylymdarynyń doktory Dinmuhammed Ahmetuly Qonaevtyń 110 jyldyǵyna arnalǵan is-sharalar joǵary deńgeıde atalyp ótti. Eńbegi eline sińgen ardaqty tulǵanyń biri ári birigeıi Dinmuhammed Ahmetuly Qonaevtyń murajaıyna saıahat jasaǵan jasópirimder úlken əser aldy. Kóp jyldar boıy Qazaqstandy basqaryp, el ekonomıkasy men halyqtyń əl-aýqatynyń jaqsarýyna orasan úlesin qosqan Dinmuhammed Ahmetulynyń esimi el esinen umytylmasa anyq. Ult qaıratker Dinmuhammed Qonaevqa arnalyp bastalǵan is-shara aldymen murajaıdy aralaýdan bastalǵan edi. Aıtýly mektep –ınternattyń daryndy jas sportshylary murajaı ishin arlap júrip, D.A.Qonaevtyń turǵan úıin, murajaıdaǵy qundy jədiger bolyp esepteletin kitaptar men kózi tirisinde qoldanǵan zattaryn kórip úlken əser aldy. Jas urpaqtyń tanymdyq dúnıesin baıytýda osyndaı izgilikti sharalardyń orny erek. Mektep oqýshylarymyz Qazaqstannyń damýyna sińirgen eńbegi kemel atalarynyń ómiri jaıly kóptegen tyń maǵlumattarǵa qanyq bolyp, alǵan əserlerimen bólisip jatty.

Igilikti shara jalǵasyn Kərken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjiniń dzıýdo akademııasynda jalǵasyn tapty. Qazaqstan boıynsha teńdesi joq salynǵan Dzıýdo akademııasynyń ishinde Dinmuhammed Ahmetuly Qonaevtyń 110 jyldyǵyna arnalyp alaman dzıýdodan týrnıri bolyp ótti.

Týrnırge aıtýly mektep-ıntrenat kolledjdiń bilekti jas balýandary men birge «Shańyraq» shaǵyn aýdanyndaǵy Olımpıada rezerviniń respýblıkalyq mamandandyrylǵan mektep-ınternat-kolledjiniń dzıýdoshylaryda qatysty. Týrnır joldastyq kezdesý júıesimen ótkizildi. Aldymen mekeme basshysy Ernar Talasbekuly qazaqtyń dara tulǵasy Dinmuhammed Qonaev atamyzdyń elge sińirgen eńbekterin atap ótip, jarysqa qatysýshylarǵa səttilik tiledi. Bul sharaǵa aranıy D.A.Qonaev atyndaǵy halyqaralyq qordan kelgen qonaqtarda ózderiniń jyly lebizderin bildirip, jarys jeńimpazdary men júldegerleri qor esebinen syılyqtar tabys etti.

Dzıýdoshylar tatamıge shyqpas buryn sport mektep[1]ınternat-kolledjdiń ózgede bólimderi ózderiniń sheberlikterin kórermenderge usyndy. Kórkem gımnastıka jəne sporttyq gımnastıka sportshylary akrobatıka elementterin qosyp bılese, semserlesý bólimi qylyshtasý ónerin, dzıýdoshylarymyz kúresterindegi ədis təsilderin əserlete kórsetti. Týrnırdiń negizgi bóliginde elimizdegi eki shoqtyǵy bıik sport mektepteriniń arasynda dzıýdo balýandarynyń tartysty bəsekeleri bolyp ótti.

Eki sport mektep-ınternat kolledjderiniń arasyndaǵy 7 salmaq boıynsha jekpe-jekterde, Kərken Ahmetov atyndaǵy Olımpıadalyq rezerviniń respýblıkalyq mamandandyrylǵan mektep[1]ınternat-kolledjiniń dzıýdoshylarynyń asyǵy alshysyn túsip jeńiske jetti. Jarystyń jeńimpazdary men júldegerleri tıisti marapattaryn aldy. Jarys sońynda barlyǵy estelik sýretke túsip bir jasap qaldy. Negizi osy tarıhy tereńnen taraý alǵan aıtýly mekteptiń qabyrǵasynan elimizge tanymal kóptegen sportshylardyń shoǵyry shyqty. Mysaly, dzıýdo kúresinen Ashat Jıtkeev, Eldos Smetov syndy sańlaqtarymyz Olımpıada oıyndarynda kúmis júldelerdi ıelenip, kók baıraǵymyzdy kókten jelbiretse, altyn alqaly aǵalarynyń izin jalǵastyrýshy jas talant Bekarys Sədýaqas Argentınanyń astanasy Býenos-Aıreste jasóspirimder arasynda ótken III Olımpııa oıyndarynyń chempıony atanyp, elimizdiń atyn shyǵardy. Mine, osyndaı qazaq sportynyń maqtanyshyna aınalǵan apaıtós sportshylardyń kópshiligi osy Kárken Ahmetov atyndaǵy Olıpıadalyq rezerviniń arnaıy respýblıkalyq mamandandyrylǵan mektep-ınternat kolledjdiń qabyrǵasynan qanattary qataıyp túlep ushsa, keıbir jas talanttar bilimin ushtap jattyǵýyn əli jalǵastyrýda.

Búginde qurylysy jańaryp, jańasha kórinis alǵan aıtýly mektep-ınternattyń aýlasynda ornalasqan zəýlim dzıýdo akademııasy talantty balýandardy shyǵaryp jatqan ustahana ispetti. Sondyqtan da bul mektep-ujymy barlyq maqtaýǵa laıyqty jumys istep kele jatqanynyń kýəsi bolamyz. Igilikti sharalar arqyly jasóspirmderge durys baǵytta tərbıe sharalaryn berip jatqan Kərken Ahmetov atyndaǵy olımpıada rezerviniń respýblıkalyq mamandandyrylǵan mektep-ınternat-kolledjiniń alar asýlary əli alda. «Durys qanattanǵan túzý ushady», degen sóz bar qazaqta. Endeshe, qanattary durys qataıǵan jastúlek sportshylarymyz el namysyn abyroımen qorǵaıdy dep senemiz

Aqyn ORDABAIULY,

ALMATY