Álem chempıonatynda alǵash ret áıel bas tóreshi qyzmetin atqarady

Fýtboldan Katarda ótip jatqan álem chempıonatynda alǵash ret áıel bas tóreshi qyzmetin atqarady. Bul qyzmet franııalyq tóreshi Stefanı Frapparge tapsyryldy.

Ol 1 jeltoqsanda E tobyndaǵy úshinshi týrda Germanııa men Kosta-Rıka quramalarynyń kezdesýinde bas tóreshi bolady.  Oǵan meksıkalyq Karen Dıas pen brazılııalyq Neýza Bakk áıel tóreshiler alań jıeginde júrip kómektesedi.

Stefanı Frappar 1993 jyly týǵan. 2011 jyldan beri tóreshilik qyzmetin atqaryp keledi. 2019 jyly Franııada ótken áıelder arasyndaǵy AQSh pen Nıderlandy oıynynda tóreshi boldy.

E tobynda ekinshi týrdan keıin Ispanııa tórt upaımen kósh bastap tursa, Japonııa men Kosta‑Rıka enshisinde úsh upaıdan bar. Al Germanııa bir upaımen tórtinshi orynda keledi.

Bıylǵy dodaǵa Salıma Mýkasanga (Rýanda) men Ioshımı Iamasıta (Japonııa) syndy áıel tóreshiler de shaqyrylǵan.

Jalpy, álem chempıonatynda barlyǵy 36 tóreshi qyzmet etýde.

Dastan KENJALIN,

ASTANA