SportPress.kz قازاقستان سپورت جاڭالىقتارى
فۋتبولدان الەم چەمپيوناتىن ۇيىمداستىرۋشىلار بولاشاقتا بولاتىن ءتورت جىلدا ءبىر رەت وتەتىن تەڭبىل دوپ دوداسىنىڭ فورماتىن وزگەرتۋدى ويلاستىرىپ جاتىر.
2026 جىلعى الەم چەمپيوناتى اقش، كانادا جانە مەكسيكادا وتەدى. وعان العاش رەت 48 كوماندا قاتىسادى.
وسى ماسەلەگە بايلانىستى الەم چەمپيوناتىن ۇيىمداستىرۋشىلار 48 قۇرامانى ءۇش كوماندادان تۇراتىن 16 توپقا ءبولۋدى جوسپارلاپ وتىر. دەگەنمەن، قازىر كوماندالاردى ءتورت قۇرامادان 12 توپقا ءبولۋ ماسەلەسى تالقىلانۋدا. جوسپار ورىندالسا، الەم چەمپيوناتى قازىرگى كەزدەگى 64 ويىننان 104 ماتچقا دەيىن كوبەيەدى.
ازىرگە شەشىم قابىلدانعان جوق. وسى وزگەرىسكە مۇددەلى ادامدار الداعى ايلاردا ءالنم چەمپيوناتتىڭ فورماتىن قايتادان تالقىلايدى دەپ كۇتىلۋدە. كەز كەلگەن شەشىم 2023 جىلى قابىلدانۋى كەرەك.
ساراپشىلاردىڭ ايتۋىنشا، ەگەر ويىنداردىڭ كوپتىگىنە بايلانىستى ءتۋرنيردى تاعى بىرنەشە كۇنگە ۇزارتسا، فيفا دا، ءىرى دەمەۋشىلەر دە قارسىلىق بىلدىرمەيدى. ولار بيلەت ساتۋ جانە باسقا جەڭىلدىكتەر ارقىلى ۇلكەن قوسىمشا تابىس تابا الادى.
داستان كەنجالين،
استانا
