جەلتوقسان قاھارماندارى تاعى الاڭعا شىقتى

بيىل ەلىمىز تاۋەلسىزدىگىنىڭ تاڭىنىڭ ارايلاپ اتقانىنا 35 جىل تولدى. الاش جۇرتى عاسىرلار بويى تارام-تارام ۇرپاق ارقىلى ارمان ەتكەن ەل تاۋەلسىزدىگىن جەڭىپ الىپ بەرگەن جەلتوقسان باتىرلارى تاريح بەتىندە وشپەس ءىز قالدىرعانى داۋسىز.ال ەندى سول  باستارىن اق شالعان تاۋەلسىزدىگىمىز ءۇشىن جان بەرىپ، قان توككەن  جەلتوقسان قاhارماندارى بۇگىندە  سالاۋاتتى ءومىر سالتىن ناسيحاتتاپ، وسكەلەڭ ۇرپاققا ۇلگى بولىپ ءجۇر.

الماتى قالاسىنداعى «جەلتوقسان اقيقاتى» رەسپۋبليكالىق قوعامدىق بىرلەستىگىنىڭ اۋەزوۆ اۋدانىنداعى فيليالىنىڭ قولداۋىمەن شاعىن فۋتبولدان، دارتس، تۇماق ۇرۋ، ارقان تارتۋ، ۆولەيبول  سەكىلدى سپورت تۇرلەرىنەن ءدۇبىرلى دە دۋماندى سپارتاكيادا ۇيىمداستىرىلدى. نەگىزى وسىنداي جارىستار جەلتوقسان ارداگەرلەرى ءۇشىن ۇلكەن ءبىر باسقوسۋ، كوڭىلدى نۇرلى كەزدەسۋ، سىر-شەر تارقاسىپ ءبىر مارقايىپ قايتۋ ەكەنىن انىق. سوندىقتان دا باتىرلار وسىنداي ىزگىلىكتى سپورت شارالارىن اسىعا كۇتەدى.

جارىستىڭ سالتاناتتى اشىلۋىندا جەلتوقسان ارداگەرى جۇماباي تاجىباەۆ  اعا جەلتوقسان ءانۇرانىن  تارتىمدى اۋەزبەن ورىنداپ زامانداستارىن ريزا ەتتى. سوسىن اۋەزوۆ اۋدانىنىڭ اكىمشىلىگىنەن كەلگەن وكىلدەر جارىستى جالىندا سوزدەرمەن  باستاپ بەردى.«جەلتوقسان اقيقاتى» رەسپۋبليكالىق قوعامدىق بىرلەستىگىنىڭ  توراعاسى بولات قۇرىمباەۆ، سپورت سەكتورى ەرمەك ايتۋاروۆ جانە «جەلتوقسان اقيقاتى» رەسپۋبليكالىق قوعامدىق بىرلەستىگىنىڭ اۋەزوۆ اۋدانى فيليالىنىڭ ءتورايىمى  الماگۇل  مۇحامانوۆا وسى جارىستى وتكىزۋگە زور ۇلەستەرىن قوسىپ، كوپشلىكتىڭ زور العىسىن الدى.

سونىمەن اشىلۋ سالتاناتى اياقتالعاننان كەيىن، شاعىن فۋتبولدان جارىس باستالىپ كەتتى. قاتار ءوتىپ جاتقان سپورت الاڭدارىندا جەلتوقسانشىلار دارتس، ارقان تارتۋ، اسىق اتۋ، تۇماق ۇرۋ سەكلدى سپورت تۇرلەرىنەن كۇشتەرىن سىناۋعا بەت الدى. اسىرەسە، كورەرمەندەرىنىڭ كوز تويماس تارتىستى ويىنعا بولەگەن شاعىن فۋتبولدان جارىسى بولدى. الماتى قالاسىنىڭ ءار اۋدانىندا جاسىل الاڭ تورىنە 6 كوماندا شىعىپ، جەڭىس ءۇشىن كۇنى بويى كەرەمەت ويىن كورسەتتى. جاستارى 60-تى القىمداعان، كەيبىرى ءتىپتى جەتپىستىڭ اسۋىن باعىندىرىپ وتىرعان ارداگەر باتىرلار سپورتتان قۇرا الاقان ەمەس ەكەندىكتەرىن تارتىستى  ويىندارىمەن پاش ەتە ءبىلدى. جانكۇيەرلەر ارداگەرلەردىڭ ءاربىر سوققان گولىنا قۇرمەتىن قول شاپلاقتاپ كورسەتىپ دەم بەرىپ وتىردى.

حوش، سونىمەن شاعىن فۋتبولدان وتكەن كەسكىلەسكەن ويىن قورتىندىسى بويىنشا باس جۇلدەنى تۋكەن سماعۇلوۆ باستاعان جەتىسۋ اۋدانىنىڭ كومانداسى جەڭىپ الدى. ەكىنشى جانە ءۇشىنشى ورىنداردى ورىندا اۋەزوۆ پەن الاتاۋ اۋداندارىنىڭ كوماندالارى يەلەندى.  سونداي-اق، تۇماق ۇرۋ، اسىق اتۋ، سەكىلدى سپورت تۇرلەرىنەن دە جەتىسۋ اۋدانى قامشى سالدىرماي باس جۇلدەلەردى جەڭىپ الدى.

جارىس سوڭىندا جەڭىمپازدار مەن جۇلدەگەرلەر قۇرمەتپەن ماراپاتتالىپ، ەستەلىككە سۋرەتكە ءتۇسىپ جاتتى.  جالپى، جەلتوقسان باتىرلارىن بيلىك، قوعام دەيمىز بە، تەك جىلىنا ءبىر كەلەتىن 16 جەلتوقسان كۇنى عانا ەسكە الىپ جىلى قاباق تانىتىپ قويادى. ءيا، وعان دا شۇكىر دەۋگە بولادى. دەسەك تە ەل تاۋەلسىزدىگىن قانمەن الىپ بەرگەن باتىرلاردىڭ ەرلىگىن ەستەن شىعارماي وتىرىپ، زاڭدى ستاتۋستارىن الىپ بەرىپ قولداۋ كورسەتىن ۋاقىت كەلىپ جەتتى. ويتكەنى، جاڭا قازاقستاندى قۇرامىز دەپ- ۇران سالعان ۇلتىمىز وتكەن تاريحتى ۇمىتپاي قۇرمەتپەن قاراۋعا مىندەتتى. جەلتوقسان باتىرلارىنا كەلسەك، ولار جىل سايىن قارتايماسا جاسارمايتىنى تابيعي زاڭدىلىق. ەرتەڭگى كۇنگە ۇمىتپەن قارايتىن حالىقپىز. سوندىقتان دا جاڭا كۇن جاقسى جاڭالىعىن اكەلەر دەگەن ءۇمىتتى باتىرلار ارقاۋ ەتەدى.  دەگەنمەندە ورتامىزدا جۇرگەن ارداقتى دا ارقالى جەلتوقسان باتىرلارىنا دەگەن قۇرمەت جوعالماسا ەكەن دەپ تىلەيمىز. ال، ازىرگە ارداگەر باتىرلار سپورت الاڭدارىندا ءوز-وزدەرىنە قۋانىش سىيلاپ وسىنداي دۇرمەكتى دە دۋماندى شارالارىن وتكىزۋدى داستۇرگە اينالدىرىپ كەلەدى. ويتكەنى «دەنى ساۋدىڭ جانى ساۋ» — دەگەن. امان بولىڭىزدار باتىرلار!

اقىن ورداباي ۇلى،

الماتى