Jeltoqsan qaharmandary taǵy alańǵa shyqty

Bıyl elimiz táýelsizdiginiń tańynyń araılap atqanyna 35 jyl toldy. Alash jurty ǵasyrlar boıy taram-taram urpaq arqyly arman etken el táýelsizdigin jeńip alyp bergen Jeltoqsan batyrlary tarıh betinde óshpes iz qaldyrǵany daýsyz.Al endi sol  bastaryn aq shalǵan táýelsizdigimiz úshin jan berip, qan tókken  Jeltoqsan qaharmandary búginde  salaýatty ómir saltyn nasıhattap, óskeleń urpaqqa úlgi bolyp júr.

Almaty qalasyndaǵy «Jeltoqsan aqıqaty» respýblıkalyq qoǵamdyq birlestiginiń Áýezov aýdanyndaǵy fılıalynyń qoldaýymen shaǵyn fýtboldan, darts, tumaq urý, arqan tartý, voleıbol  sekildi sport túrlerinen dúbirli de dýmandy Spartakıada uıymdastyryldy. Negizi osyndaı jarystar Jeltoqsan ardagerleri úshin úlken bir basqosý, kóńildi nurly kezdesý, syr-sher tarqasyp bir marqaıyp qaıtý ekenin anyq. Sondyqtan da batyrlar osyndaı izgilikti sport sharalaryn asyǵa kútedi.

Jarystyń saltanatty ashylýynda Jeltoqsan ardageri Jumabaı Tájibaev  aǵa Jeltoqsan ánuranyn  tartymdy áýezben oryndap zamandastaryn rıza etti. Sosyn Áýezov aýdanynyń ákimshiliginen kelgen ókilder jarysty jalynda sózdermen  bastap berdi.«Jeltoqsan aqıqaty» respýblıkalyq qoǵamdyq birlestiginiń  tóraǵasy Bolat Qurymbaev, sport sektory Ermek Aıtýarov jáne «Jeltoqsan aqıqaty» respýblıkalyq qoǵamdyq birlestiginiń Áýezov aýdany fılıalynyń tóraıymy  Almagúl  Muhamanova osy jarysty ótkizýge zor úlesterin qosyp, kópshliktiń zor alǵysyn aldy.

Sonymen ashylý saltanaty aıaqtalǵannan keıin, shaǵyn fýtboldan jarys bastalyp ketti. Qatar ótip jatqan sport alańdarynda jeltoqsanshylar darts, arqan tartý, asyq atý, tumaq urý sekldi sport túrlerinen kúshterin synaýǵa bet aldy. Ásirese, kórermenderiniń kóz toımas tartysty oıynǵa bólegen shaǵyn fýtboldan jarysy boldy. Almaty qalasynyń ár aýdanynda jasyl alań tórine 6 komanda shyǵyp, jeńis úshin kúni boıy keremet oıyn kórsetti. Jastary 60-ty alqymdaǵan, keıbiri tipti jetpistiń asýyn baǵyndyryp otyrǵan ardager batyrlar sporttan qura alaqan emes ekendikterin tartysty  oıyndarymen pash ete bildi. Jankúıerler ardagerlerdiń árbir soqqan golyna qurmetin qol shaplaqtap kórsetip dem berip otyrdy.

Hosh, sonymen shaǵyn fýtboldan ótken keskilesken oıyn qortyndysy boıynsha bas júldeni Týken Smaǵulov bastaǵan Jetisý aýdanynyń komandasy jeńip aldy. Ekinshi jáne úshinshi oryndardy orynda Áýezov pen Alataý aýdandarynyń komandalary ıelendi.  Sondaı-aq, tumaq urý, asyq atý, sekildi sport túrlerinen de Jetisý aýdany qamshy saldyrmaı bas júldelerdi jeńip aldy.

Jarys sońynda jeńimpazdar men júldegerler qurmetpen marapattalyp, estelikke sýretke túsip jatty.  Jalpy, Jeltoqsan batyrlaryn bılik, qoǵam deımiz be, tek jylyna bir keletin 16 jeltoqsan kúni ǵana eske alyp jyly qabaq tanytyp qoıady. Iá, oǵan da shúkir deýge bolady. Desek te el táýelsizdigin qanmen alyp bergen batyrlardyń erligin esten shyǵarmaı otyryp, zańdy statýstaryn alyp berip qoldaý kórsetin ýaqyt kelip jetti. О́ıtkeni, jańa Qazaqstandy quramyz dep- uran salǵan ultymyz ótken tarıhty umytpaı qurmetpen qaraýǵa mindetti. Jeltoqsan batyrlaryna kelsek, olar jyl saıyn qartaımasa jasarmaıtyny tabıǵı zańdylyq. Erteńgi kúnge úmitpen qaraıtyn halyqpyz. Sondyqtan da jańa kún jaqsy jańalyǵyn ákeler degen úmitti batyrlar arqaý etedi.  Degenmende ortamyzda júrgen ardaqty da arqaly jeltoqsan batyrlaryna degen qurmet joǵalmasa eken dep tileımiz. Al, ázirge ardager batyrlar sport alańdarynda óz-ózderine qýanysh syılap osyndaı dúrmekti de dýmandy sharalaryn ótkizýdi dástúrge aınaldyryp keledi. О́ıtkeni «deni saýdyń jany saý» — degen. Aman bolyńyzdar batyrlar!

Aqyn ORDABAIULY,

ALMATY