SportPress.kz قازاقستان سپورت جاڭالىقتارى
ۇلىتاۋ وبلىسىنىڭ اكىمى بەرىك ابدىعالي ۇلى مەن «قازاقستان فۋتبول فەدەراتسياسى» زتب قاۋىمداستىعىنىڭ پرەزيدەنتى ادىلەت بارمەنقۇلوۆ ۇلىتاۋ وبلىسىنىڭ اكىمدىگى مەن فۋتبول فەدەراتسياسىنىڭ اراسىنداعى ىنتىماقتاستىق تۋرالى مەموراندۋمعا قول قويدى.
كەزدەسۋدە ءوڭىر باسشىسى بەرىك ابدىعالي ۇلى ۇلىتاۋ وبلىسىندا كاسىبي فۋتبول كلۋبىنىڭ قۇرالاتىنىن، جاڭا كوماندا كەلەسى جىلدىڭ ناۋرىز ايىندا باستالاتىن قازاقستان چەمپيوناتىنىڭ ەكىنشى ليگاسىنا قاتىسۋعا ءوتىنىم بەرۋ ءۇشىن كۇش-جىگەرىن جۇمساۋ كەرەكتىگىن اتاپ ءوتتى. ونىڭ ايتۋىنشا، «قازاقمىس» كورپوراتسياسى جاڭا كوماندانىڭ ينۆەستورى بولادى.
فەدەارتسيانىڭ پرەزيدەنتى ادىلەت بارمەنقۇلوۆ قازاقستان فۋتبول فەدەراتسياسى وبلىس اكىمدىگىنە قاجەتتى ادىسنامالىق كومەك كورسەتۋگە دايىن ەكەنىن ايتتى.
«جۇمىس بىردەن ءۇش باعىتتا باستالادى: وبلىستىق فۋتبول فەدەراتسياسىن اشۋ، كاسىبي فۋتبول كلۋبى مەن بالالار-جاسوسپىرىمدەر اكادەمياسىن قۇرۋ. ول ءۇشىن قولدانىستاعى ينفراقۇرىلىمدى باعالاۋ جانە نەگىزىنەن جەرگىلىكتى كادرلاردى دايارلاۋ قاجەت»، – دەدى ول.
كەزدەسۋدە «قازاقمىس بارلاۋ» جشس-ءنىڭ باس ديرەكتورى عالىم نۇرجانوۆ فۋتبولدىڭ ءوڭىر ءۇشىن زور الەۋمەتتىك ماڭىزدىلىعىن ايتا كەلىپ، كورپوراتسيا جاڭا فۋتبول كلۋبىنا جانە جالپى سپورتتىق ينفراقۇرىلىمعا بارىنشا جاردەم كورسەتەتىنىن جەتكىزدى.
ۇلىتاۋ وبلىسىنىڭ اكىمى مەموراندۋمعا قول قويعان سوڭ، وڭىردە اۋلا كلۋبتارىنىڭ سانىن كوبەيتۋ كەرەكتىگىن، جەزقازعان، ساتباەۆ، قاراجال قالالارىندا، جاڭاارقا مەن ۇلىتاۋ اۋداندارىندا فۋتبول الاڭدارىنىڭ سانىن كوبەيتۋ جوسپارلانىپ وتىرعانىن ايتتى.
«وبلىستا كاسىبي فۋتبولعا عانا ەمەس، بۇقارالىق فۋتبولعا دا باسا نازار اۋدارىلاتىن بولادى»، – دەدى بەرىك ابدىعالي ۇلى.
قازىر وبلىستىڭ ەكى قالاسىندا جانە ءبىر اۋدانىندا عانا فۋتبول سەكتسيالارى بار. وندا بارلىعى 930 ءجاسوسپىرىم فۋتبولمەن اينالىسادى. جەزقازعاندا فۋتبول سەكتسياسى تەك ءبىر سپورت مەكتەبىندە اشىلعان.
داستان كەنجالين،
استانا
