Ulytaý oblysynda kásibı fýtbol klýby qurylady

Ulytaý oblysynyń ákimi Berik Ábdiǵalıuly men «Qazaqstan fýtbol federaııasy» ZTB qaýymdastyǵynyń prezıdenti Ádilet Barmenqulov Ulytaý oblysynyń ákimdigi men fýtbol federaııasynyń arasyndaǵy yntymaqtastyq týraly memorandýmǵa qol qoıdy.

Kezdesýde óńir basshysy Berik Ábdiǵalıuly Ulytaý oblysynda kásibı fýtbol klýbynyń quralatynyn, jańa komanda kelesi jyldyń naýryz aıynda bastalatyn Qazaqstan chempıonatynyń ekinshi lıgasyna qatysýǵa ótinim berý úshin kúsh-jigerin jumsaý kerektigin atap ótti. Onyń aıtýynsha, «Qazaqmys» korporaııasy jańa komandanyń ınvestory bolady.

Fedearııanyń prezıdenti Ádilet Barmenqulov Qazaqstan fýtbol federaııasy oblys ákimdigine qajetti ádisnamalyq kómek kórsetýge daıyn ekenin aıtty.

«Jumys birden úsh baǵytta bastalady: oblystyq fýtbol federaııasyn ashý, kásibı fýtbol klýby men balalar-jasóspirimder akademııasyn qurý. Ol úshin qoldanystaǵy ınfraqurylymdy baǵalaý jáne negizinen jergilikti kadrlardy daıarlaý qajet», – dedi ol.

Kezdesýde «Qazaqmys Barlaý» JShS-niń bas dırektory Ǵalym Nurjanov fýtboldyń óńir úshin zor áleýmettik mańyzdylyǵyn aıta kelip, korporaııa jańa fýtbol klýbyna jáne jalpy sporttyq ınfraqurylymǵa barynsha járdem kórsetetinin jetkizdi.

Ulytaý oblysynyń ákimi memorandýmǵa qol qoıǵan soń, óńirde aýla klýbtarynyń sanyn kóbeıtý kerektigin, Jezqazǵan, Sátbaev, Qarajal qalalarynda, Jańaarqa men Ulytaý aýdandarynda fýtbol alańdarynyń sanyn kóbeıtý josparlanyp otyrǵanyn aıtty.

«Oblysta kásibı fýtbolǵa ǵana emes, buqaralyq fýtbolǵa da basa nazar aýdarylatyn bolady», –  dedi Berik Ábdiǵalıuly.

Qazir oblystyń eki qalasynda jáne bir aýdanynda ǵana fýtbol sekııalary bar. Onda barlyǵy 930 jasóspirim fýtbolmen aınalysady. Jezqazǵanda fýtbol sekııasy tek bir sport mektebinde ashylǵan.

Dastan KENJALIN,

ASTANA