Кәсіпқой боксшы америкалық қарсыласын нокаутқа түсірді

Боксшы Николай Шваб АҚШ-тың Оңтүсік Каролина штатында өткен Рок-Хилл бокс кешінде америкалық Габриэль Смитпен жекпе-жекке шықты. Отандасымыз қарсыласын екінші раундта нокаутқа түсіріп, жекпе-жекті мерзімінен бұрын аяқтады.

Осылайша Николай Шваб кәсіпқой бокстағы оныншы рет жеңіске жетсе, Габриэль Смит алтыншы рет жеңіліп қалды.

Шваб өзінің алдыңғы жекпе-жегінде венесуэлалық боксшы Хесус Куадроны тоғызыншы раундта нокаутқа түсіріп, WBA екінші дәрежелі чемпиондық белбеу – WBA Fedecaribe иегері атанған болатын.

Дастан КЕНЖАЛИН,

АСТАНА