Lıonel Messı «Altyn dopqa» basty úmitker atandy

Katarda fýtboldan ótip jatqan álem chempıonatynda Argentınanyń ulttyq qurama komandasynyń kapıtany, álemniń jeti dúrkin úzdik oıynshysy, «Altyn býtsy» ataǵynyń alty dúrkin ıegeri Lıonel Messı taǵy da «Altyn dopqa» basty úmitker atandy.

Goal fýtbol saıtynyń habarlaýynsha, álem chempıonatynyń shırek fınalynan keıin úzdik oıynshy atanǵan L.Messı «Altyn dop» úmitkerleriniń de kóshin bastady.

Bul ataqqa Messıden basqa onymen «PSJ» klýbynda (Parıj) birge oınaıtyn Franııa quramasynyń shabýylshysy Kılıan Mbappe de úmitker bolyp otyr. Odan keıin norvegııalyq Erlıng Holand («Manchester Sıtı») úshinshi bolyp úmitkerlerdiń tizimine qosyldy.

«Altyn doptyń» qazirgi ıegeri, «Real» jáne Franııa quramasynyń shabýylshysy Karım Benzema 20-orynda tur.

Úzdik ondyqqa kiretin «Altyn dop» úmitkerleri:

1. Lıonel Messı («PSJ»)
2. Kılıan Mbappe («PSJ»)
3. Erlıng Holand («Manchester Sıtı»)
4. Neımar («PSJ»)
5. Robert Levandovskı («Barselona»)
6. Vınısıýs Jýnıor («Real»)
7. Kevın de Brıýıne («Manchester Sıtı»)
8. Mohamed Salah («Lıverpýl»)
9. Hvıcha Kvarahelııa («Napolı»)
10. Antýan Grızmann («Atletıko»).

14 jeltoqsanǵa qaraǵan túni L.Messı jartylaı fınalda Horvatııamen ótetin oıynǵa Argentına quramasyn bastap shyǵady.

Dastan KENJALIN,

ASTANA