Ronaldý «Realdyń» bazasynda jattyǵyp júr

Portýgal fýtbolshysy Krıshtıaný Ronaldýdyń Madrıdtiń «Real» klýbynyń bazasynda jattyǵyp júrgeni belgili boldy. Bul týraly «Chempıonat.rý» habarlady.

Katarda ótip jatqan fýtboldan álem chempıonatynyń shırek fınalynda jarys jolynan shyǵyp qalǵan Portýgalııa quramasymen birge elge qaıtqan Krıshtıaný Ronaldý ýaqytty bosqa ótkizbeı, burynǵy klýbynda jattyǵa bastady.

Ol «Korol klýbynyń» sapynda 2009-2018 jyldary óner kórsetken bolatyn. Qazir onyń klýby joq, – delingen habarlamada.

Portaldyń habarlaýynsha, portýgal oıynshysy ıspan klýby alańdarynyń birinde óziniń sporttyq babyn saqtap qalý úshin jattyǵyp jatyr eken. Al «Korol klýbynyń» negizgi quramy basqa bazada jattyǵyp júrgenge uqsaıdy.

Budan buryn Ronaldý brıtanııalyq jýrnalıst Prıs Morganǵa bergen suhbatynda «Manchester Iýnaıtedtiń» bas jattyqtyrýshysy Erık ten Hagtyń nashar jaǵyn, komandadaǵy ahýaldyń olqy tustaryn aıtamyn dep úlken daý-janjalǵa urynǵan edi. Shamasy, onyń aщy syn-eskertpesi klýb basshylyǵynyń shymbaıyna qatty tıip ketse kerek. Osydan keıin komanda qojaıyndary onymen kelisimsharttyń buzylǵanyn jarııalady.

Dastan KENJALIN,

ASTANA