سينيشا ميحايلوۆيچ قايتىس بولدى

يۋگوسلاۆيا جانە سەرب فۋتبولىنىڭ ارداگەرى سينيشا ميحايلوۆيچ 53 جاسىندا قايتىس بولدى.

La Gazzetta dello Sport باسىلىمى ءميحايلوۆيچتىڭ ريمدەگى ەمحانادا قايتىس بولعانىن حابارلادى. جاتتىقتىرۋشىنىڭ وتباسى ءميحايلوۆيچتىڭ ۇزاق ۋاقىت ەمدەلگەنىن، ونى ەمدەۋگە كومەكتەسكەن دارىگەرلەرگە العىسىن بىلدىرگەن.

2019 جىلدىڭ شىلدەسىندە ميحايلوۆيچ وزىنە لەيكوز دياگنوزى قويىلعانىن جانە ونى «شابۋىلداپ ويناۋ» ارقىلى جەڭگىسى كەلەتىنىن ايتقان بولاتىن.

ميحايلوۆيچ يۋگوسلاۆيانىڭ «تسرۆەنا زۆەزدا»، يتاليانىڭ «روما»، «سامپدوريا»، «لاتسيو» جانە «ينتەر» كلۋبتارىندا ويناعان.

جاتتىقتىرۋشىلىق قىزمەتىن 2006 جىلى باستاپ، «ينتەر» كلۋبىندا باپكەردىڭ كومەكشىسى بولدى. ودان كەيىن «فيورەنتينا»، «سامپدوريا»، «تورينو»، «ميلان» كلۋبتارى مەن سەربيانىڭ ۇلتتىق قۇراما كومانداسىن باسقاردى.

داستان كەنجالين،

استانا