Parıj Olımpıadasynyń bıletteri satyla bastady

Franııanyń astanasy Parıj qalasynda ótetin HHHIII jazǵy Olımpıada oıyndarynyń bıletteriniń satylymy bastaldy. Bul týraly Mádenıet jáne sport komıteti Sport jáne dene shynyqtyrý isteri komıtetiniń «Sportty damytý dırekııasy» respýblıkalyq memlekettik qazynalyq kásiporny habarlady.

Jankúıerler satylymnyń alǵashqy kezeńinde mynadaı jolmen de bıletti satyp ala alady. Iaǵnı, aldymen Make Your Games («О́z oıyndaryńdy jınaqta») atty bılet paketin satyp alý úshin 2023 jylǵy 31 qańtarǵa deıin https://tickets.paris2024.org saıtynda tirkeýden ótý kerek. Osy jerde 31 qańtardan keıin tolyq tizim jasaqtalady. Eger sizdiń ótinishińiz lotereıada tańdalsa, Make Your Games bılet paketin satyp alasyz. Sodan keıin 13 aqpanda tirkelgen jankúıerler arasynda jerebe bolady. Bul jaıly habarlama ár adamnyń tirkeý kezinde kórsetilgen elektrondy poshtasyna keledi. Eskere ketetin bir nárse, habarlama alǵan azamattar 48 saǵattyń ishinde elektrondy poshtaǵa kelgen siltemeni ashyp, hatty alǵanyn rastaýy kerek. Sosyn bıletti tańdap,15 aqpannan 15 naýryzǵa deıin satyp alýyńyzǵa bolady. Jalpy, Make Your Games paketine jekelegen 3 saıystyń bıleti kiredi.

Al bıletti jeke-jeke satyp alǵysy keletin jankúıerler úshin taǵy mynadaı múmkindik beriledi. Iaǵnı, 2023 jylǵy 1 naýryz ben sáýirdiń aıaǵyna deıin https://tickets.paris2024.org saıtynda tirkeýden ótý kerek. Sodan keıin mamyrdyń basynan bastap bılet ala alasyz.

Make Your Games bılet paketi 72 eýro, al jekelegen bılet baǵasy 24 eýro. Tolyq aqparat https://tickets.paris2024.org  saıtynda jarııalanǵan.

Parıj Olımpıadasynyń urany Games Wide Open («Barynsha ashyq oıyndar»). Uıymdastyrýshylar osy arqyly jankúıerlerdi kóptep tartýdy maqsat etip otyr. Sol sebepti «О́z oıyndaryńdy jınaqta» bılet paketi Olımpııa oıyndary tarıhynda alǵash ret usynylǵan.

Anyqtama:

Halyqaralyq Olımpıada komıteti bas-aıaǵy 10 mıllıondaı bıletti satylymǵa shyǵarady. Onyń 1 mıllıony 24 eýrodan, jartysy 50 eýro jáne odan arzan baǵada qoljetimdi bolady. Taǵy 3 mıllıon bılettiń baǵasy 100 eýrodan bastalady. Tek bılettiń 15 paıyzy qymbatqa satylady.

Dastan KENJALIN,

ASTANA