مەسسي «پاري سەن-جەرمەن» كلۋبىندا قالاتىن بولدى

ارگەنتينا ۇلتتىق قۇراماسىنىڭ شابۋىلشىسى ليونەل مەسسي فرانتسيانىڭ «پاري سەن-جەرمەن» كلۋبىندا قالاتىن بولدى.

Championat.com سايتىنىڭ حابارلاۋىنشا، كلۋبپەن كەلىسىمشارت تاعى ءبىر ماۋسىمعا ۇزارتىلدى. مەسسيدىڭ «پسج» كومانداسىمەن كەلىسىمشارتىنىڭ مەرزىمى 2023 جىلعى جازدا اياقتالۋى ءتيىس بولاتىن. كلۋب پرەزيدەنتى ناسسەر ءال-حەلايفي كاتارداعى الەم چەمپيوناتى كەزىندە مەسسيدىڭ اكەسىمەن كەزدەسىپ، فۋتبولشىنىڭ تاعى ءبىر ماۋسىمعا قالاتىنى جونىندە اۋىزشا كەلىسىمگە كەلگەن. ەندى مەسسي تاعى ءبىر ماۋسىم الاڭسىز فرانتسۋز كلۋبىندا وينايدى. بۇعان دەيىن حابارلانعانداي، ارگەنتينالىق شابۋىلشىعا «بارسەلوناعا» قايتا ورالۋ جونىندە ۇسىنىس تۇسپەگەن.

مەسسيدىڭ ايتۋىنشا، ول الەم چەمپيونى اتانعاننان كەيىن چەمپيوندار ليگاسىن تاعى ءبىر مارتە جەڭىپ العىسى كەلەدى. ويتكەنى، وعان «بارسەلوناعا» قاراعاندا، «پسج-مەن» چەمپيوندار ليگاسىن جەڭىپ الۋ وڭايىراق بولادى.

كەشە تاعى ءبىر اتاقتى فۋتبولشى پورتۋگاليالىق كريشتيانۋ رونالدۋدىڭ ساۋد اپابياسىنىڭ  «ءال-ناسر» كلۋبىمەن ۇزاق مەرزىمدى كەلىسىمشارت جاساعانى بەلگىلى بولدى.

داستان كەنجالين،

استانا