«كەز كەلگەنىمەن رينگكە شىعۋعا دايىنمىن». باتىر جۇكەمباەۆ مالىمدەمە جاسادى

ءبىرىنشى جارتىلاي ورتا سالماقتاعى بوكسشى باتىر جۇكەمباەۆ (20-1، 16 كو) ءوز ديۆيزيونىنداعى بوكسشىلارمەن جۇدىرىقتاسۋعا دايىن ەكەنىن ايتتى.

كەتتىك! ءبىرىنشى جارتىلاي ورتادا كەز كەلگەن بوكسشىمەن قولعاپ تۇيىستىرۋگە دايىنمىن! (140 فۋنت)، — دەپ جازدى باتىر Twitter-دەگى پاراقشاسىندا.

ول بوكسشى باتىر جۇكەمباەۆ (19-1، 15 كو) الماتىداعى بوكس كەشىنىڭ باستى ايقاستارىنىڭ بىرىندە جەڭىسكە جەتكەن بولاتىن.

ونىڭ قارسىلاسى «Tiger» لاقاپ اتىمەن تانىمال وڭتۇستىكافريكالىق كسولاني مكوتەلي (19-7، 12 KO) بولدى. ون راۋندقا ەسەپتەلگەن ايقاس التىنشى راۋندتا تەحنيكالىق نوكاۋتپەن اياقتالدى. ال وعان دەيىن قازاق بوكسشىسى قارسىلاسىن ءۇش رەت نوكداۋنعا ءتۇسىردى.

وسىلايشا، جۇكەمباەۆ كارەراسىندا 20 رەت جەڭىسكە جەتىپ وتىر. ونىڭ 16-سى – نوكاۋت. جالپى، باتىر رينگكە بىلتىر جەلتوقساندا شىققان بولاتىن. ول كەزدە مەكسيكالىق حۋان حوسە مارتينەس الۆارەستى 69-سەكۋندتا نوكاۋتقا تۇسىرگەن ەدى.

داستان كەنجالين،

استانا