SportPress.kz قازاقستان سپورت جاڭالىقتارى
استانا قالاسىنداعى Qazaqstan جەڭىل اتلەتيكا سپورت كەشەنىنىڭ وليمپيادالىق دايارلاۋ ورتالىعىندا مادەنيەت جانە سپورت ۆيتسە-ءمينيسترى، قازاقستاننىڭ جاۋىنگەرلىك ونەر اسسوتسياتسياسىنىڭ (بۇدان ءارى – اسسوتسياتسيا) ۆيتسە – پرەزيدەنتى سەرىك جاراسباەۆتىڭ، «تۋريزم جانە سپورت يندۋسترياسىن قولداۋ قورى» كورپوراتيۆتىك قورىنىڭ (بۇدان ءارى – Sport Qory) باس ديرەكتورى اسحات سەيسەمبەكتىڭ جانە اسسوتسياتسيانىڭ ۆيتسە-پرەزيدەنتى سارسەن قۇرانبەكتىڭ قاتىسۋىمەن ءباسپاسوز كونفەرەنتسياسى ءوتتى. بۇل تۋرالى halyq-uni.kz حابارلادى.
جيىندا اسسوتسياتسيانىڭ ۆيتسە-پرەزيدەنتى سارسەن قۇرانبەك وتكەن جىلدىڭ قورىتىندىسىن شىعارىپ، «سامۇرىق-قازىنا» اق جانە Sport Qory گرانتتىق قولداۋىمەن «سپورتتىق جەكپە-جەك ونەرىن دامىتۋ جانە ناسيحاتتاۋ ءۇشىن جاعداي جاساۋ» جوباسىن ىسكە اسىرۋ ناتيجەلەرى تۋرالى، الەۋمەتتىك ديۆيدەندتەر جۇيەسى جانە قاۋىمداستىق پەن ونىڭ مۇشەلەرى قىزمەتىنىڭ باسقا اسپەكتىلەرى جايلى جۇرتشىلىقتى حاباردار ەتتى.
بيىلعى 8 ماۋسىمدا Sport Qory مەن قازاقستاننىڭ جاۋىنگەرلىك ونەر اسسوتسياتسياسى قايىرىمدىلىق كومەك شارتىنا قول قويدى. 75 ميلليون تەڭگەدەن استام قاراجات «سپورتتىق جەكپە-جەك ونەرىن دامىتۋ جانە ناسيحاتتاۋ ءۇشىن جاعداي جاساۋ» جوباسىن ىسكە اسىرۋعا باعىتتالدى.
جالپى 15 سپورت فەدەراتسياسىنا 174 سپورتتىق مۇكاممالدى، 195 سپورت جابدىقتارى جيىنتىعىن، جارىس وتكىزۋگە ارنالعان 69 جابدىقتى الدى. دەنساۋلىقتى ساقتاۋ ءۇشىن دەنە شىنىقتىرۋ جاتتىعۋلارى كەشەنى بار 3 بەينەروليك ءتۇسىرىلدى. ەكى فەدەراتسيانىڭ جاتتىقتىرۋشىلار قۇرامى الەمدىك دەڭگەيدەگى بەدەلدى شەبەرلەردىڭ قاتىسۋىمەن وتەتىن حالىقارالىق كۋرستاردا، ترەنينگتەر مەن سەمينارلاردا بىلىكتىلىگىن ارتتىرۋعا مۇمكىندىك الدى. كيكبوكسينگتەن قازاقستان جاسوسپىرىمدەر جانە جاستار قۇراماسىنىڭ 15 مۇشەسى بيىل كۇزدە يتاليادا وتكەن الەم چەمپيوناتىنا دايىندىق بويىنشا وقۋ-جاتتىعۋ جيىندارىنا قاتىستى.
بارلىعى 3،5 ميلليون سپورتشى قاۋىمداستىق جۇزەگە اسىرعان جوبانىڭ اسەرىن سەزىندى.
الەۋمەتتىك ديۆيدەندتەر جۇيەسى كەڭىنەن قولدانىلدى. سپورت پەن سالاۋاتتى ءومىر سالتىن ناسيحاتتاۋ ماقساتىندا فەدەراتسيالار گرانت الۋشىلار تاراپىنان 2 مىڭنان استام سپورتتىق ءىس-شارالار ۇيىمداستىرىلدى. 13 مىڭنان استام بالا اشىق ەسىك كۇندەرىنە، سپورت تۇرلەرىنەن، بەيىمدەلگەن تاەكۆوندودان، قىزدارعا ارنالعان ءوزىن-ءوزى قورعاۋ بويىنشا ماستەر-كلاسستار جانە باسقا دا ءىس-شارالارعا تەگىن قاتىسا الدى.
Kaz Minerals توبىنىڭ سەنىمدىلىگى مەن كوپجىلدىق قولداۋى اسسوتسياتسيا اپپاراتىنا جۇمىسىن ۇنەمى جاقسارتىپ قانا قويماي، سونىمەن قاتار بالالار مەن جاسوسپىرىمدەر اراسىنداعى بەيىمدەلۋ سپورتى، تۇرمىستىق زورلىق-زومبىلىق پەن دەۆيانتتى مىنەز-ق ۇلىقتىڭ الدىن الۋ جونىندەگى الەۋمەتتىك جوبالاردىڭ تۇجىرىمدامالارىن ازىرلەۋگە مۇمكىندىك بەردى. ءارى قاراي اسسوتسياتسيا تۇجىرىمدامالار ىسكە اسۋ ءۇشىن ونى سپورت فەدەراتسيالارى مەن مۇشەلەرىنە بەرۋدى جوسپارلاپ وتىر.
قازاقستاننىڭ جاۋىنگەرلىك ونەر اسسوتسياتسياسى 2019 جىلدىڭ 8 قاڭتارىندا قۇرىلدى. ۇيىمعا وليمپيادالىق جانە وليمپيادالىق ەمەس سپورت تۇرلەرىنەن 27 فەدەراتسيا (تولىق كونتاكتىلى كاراتە، دجيۋ دجيتسۋ، گرەپپلينگ، سامبو، پانكراتيون، ۋشۋ، كۋنگ-فۋ، پەنچاك سيلات، مۋايتاي، كيكبوكسينگ، تاەكۆوندو، قويان قولتىق كۇرەس، بەلبەۋ كۇرەسى، ۋنيبوي، كيبەرسپورت، مما) كىرەدى.
الەۋمەتتىك باستامالاردى ىسكە اسىرۋدى، سونداي-اق جوبالاردى قارجىلاندىرۋ كوزدەرىن ىزدەۋدى KAZ Minerals توبى ۇزاق جىلدار بويى سەنىمدى سەرىكتەسى بولىپ تابىلاتىن اسسوتسياتسيا اپپاراتى جۇزەگە اسىرادى.
باستى ماقسات – بۇقارالىق سپورتتى دامىتىپ، جاستار مەن جاسوسپىرىمدەردى سالاۋاتتى ءومىر سالتىن ۇستانۋعا شاقىرۋ، وليمپيادالىق ەمەس سپورت تۇرلەرىنىڭ حالىقارالىق ءيميدجىن كوتەرۋ.
