Boks: Myrzaǵalı Aıtjanovqa bas jattyqtyrýshy bolýǵa usynys tústi

Bokstan KSRO jáne Eýropa chempıony Myrzaǵalı Aıtjanovqa qaıtadan Qazaqstan ulttyq quramasynyń bas jattyqtyrýshy bolýǵa usynys tústi. Ol jańa jyl merekesinen keıin  ulttyq quramany qaıta jattyqtyrýy múmkin.

Jańa qyzmetke usynysqa Myrzaǵalı Aıtjanovtyń ózi kelisim bergenin aıtty.

«Basshylardan (Qazaqstan boks federaııasy, — red.) sondaı bir usynys boldy. Kelisimim berdim. Ázirshe buıryqty áli alǵan joqpyn», — dedi ol.

Ázirge Qazaqstan boks federaııasy resmı habarlaǵan joq. Tek jańa jyl merekesinen keıin buıryq shyǵyp, kópshilikke tanystyrylýy múmkin.

Osyǵan deıin ulttyq quramany Qaırat Sátjanov jattyqtyrǵan bolatyn. Ol quraman tizginin byltyr Tokıo Olımpıadasynan keıin ustady. Odan keıin komandany Belgradta ótken álem chempıonatyna bastap bardy. Serbııada Qazaqstan quramasy eki altyn júldeni jeńip aldy. Bıyl ulttyq qurama Ammandaǵy Azııa chempıonatyna qatysty.

Al Myrzaǵalı Qulanuly Aıtjanov 1970 jyly 13 qyrkúıekte qazirgi Túrkistan oblysyna qarasty Saıram aýdanyndaǵy Qarabastaý aýylynda týǵan. Jastar arasynda Keńes Odaǵy kýbogynyń kúmis júldegeri, KSRO jáne Eýropa chempıony.

Aıtjanovtyń tusyndaǵy ulttyq qurama Olımpııa oıyndarynda  2 altyn, 3 kúmis, 2 qola, álem chempıonatynda 5 altyn, 8 kúmis, 7 qola, Azııa oıyndarynda 8 altyn, 6 kúmis, 4 qola, Azııa chempıonatynda 15 altyn, 7 kúmis, 6 qola medaldi jeńip aldy. Myrzaǵalı Aıtjanov álemniń eki márte úzdik jattyqtyrýshysy atanǵan. Ulttyq quramaǵa 2009 – 2018 jyldary bas jattyqtyrýshy boldy.

Dastan KENJALIN,

ASTANA