SportPress.kz قازاقستان سپورت جاڭالىقتارى
استانانىڭ «بارىس» كلۋبى مەن ۇلتتىق قۇرامانىڭ شابۋىلشىسى دميتري شەۆچەنكو قازاقستان ازاماتتىعىنان ايىرىلدى. بۇل تۋرالى شايبا.kz حابارلادى.
ول قۇرلىقتىق حوككەي ليگاسى ءبىرىنشى ارنا كۋبوگىندا رەسەي ازاماتى دەپ كورسەتىلىپ ويناعان.
جازدا «بارىس» كلۋبىنىڭ باسشىلىعىن قىزمەتىنەن بوساتۋدى تالاپ ەتكەن باستامشىل توپ استانا قالاسى كوشى-قون دەپارتامەنتىنە دميتري ەدۋاردوۆيچ شەۆچەنكونىڭ ەكى ەلدىڭ زاماتى بولۋى مۇمكىن ەكەنىن ايتىپ، تەكسەرۋدى سۇراعان.
تەكسەرىس كەزىندە حوككەيشىدە شىنىمەن رەسەي مەن قازاقستان ازاماتتىعى بار بولىپ شىقتى. ول رەسەيدىڭ تۋلا قالاسىندا تۋعان ەكەن. وسىعان بايلانىستى شەۆچەنكو 6 جەلتوقساندا قازاقستان ازاماتتىعىنان ايىرىلدى. ەندى ول قازاقستان قۇراماسى ءۇشىن ويناي المايدى.
الداعى ۋاقىتتا باسقا دا حوككەيشىلەرگە قاتىستى تەكسەرىس بولادى.
داستان كەنجالين،
استانا
