Қазақ қыз 100 килодан асатын Олимпиада чемпионын жамбасқа салып жықты

Бұған дейін Олимпиаданы үш рет жеңген және әлемнің 11 дүркін чемпионы атанған франциялық дзюдошы Тедди Ринер отандастарымызбен бірге Алматыдағы жаттығу жиынына қатысқанын хабарлаған болатынбыз.

Осы жиында Ринер ерлер құрамасымен ғана емес, әйелдер командасымен де спаррингтер өткізді. Сол жерде оны дзюдодан Азия чемпионы (2011), грэплинг бойынша Қазақстаннан шыққан бірінші және әзірге жалғыз чемпион (2018) Әйгерім Әбілқадырованың жамбасқа салып жыққаны белгілі болды.

Дастан КЕНЖАЛИН,

АСТАНА