Ýnıversıada-2023: Qazaqstan hokkeıshileri qola júldeni jeńip aldy

AQSh-tyń Leık-Plesıd qalasynda ótip jatqan Qysqy Ýnıversıadadaǵy hokkeı týrnırinde qola júldeger anyqtaldy. Úshinshi oryn úshin Qazaqstan men Japonııa quramalary oınap, qazaqstandyq stýdentter quramasy qarsylastaryn 8:1 esebimen oısyrata utty. Bul qola – el qorjynyna Dúnıejúzilik Qysqy Ýnıversıada oıyndarynda túsken 10-medal.

Matchtyń 6-mınýtynda Maksım Mýhametov quramany alǵa shyǵardy. Ekinshi kezeńde otandastarymyz qatarynan úsh shaıba saldy. Onda Saıan Danııar, Maksım Muhametov, Álıhan О́mirbekov, Batyrlan Muratov qaqpany dál kózdedi. 39-mınýtta japon hokkeıshileri bir shaıbamen jaýap qaıyrdy.

Úshinshi kezeńde Álı Qasenov, Danıl Býtenko bir-bir shaıbanyń avtory atansa, Maksım Muhametov matchta úshinshi ret mergendik tanytty.

Toptyq kezeńde el quramasy Ońtústik Koreıany 5:1, Vengrııany 9:1, Ulybrıtanııany 15:1, Slovakııany 4:0 esebimen jeńip, AQSh quramasyna 1:4 esebimen ese jibergen edi. Al jartylaı fınalda Kanada quramasynan 1:4 esebimen jeńilip qaldy.

Endi fınalda erteń Astana ýaqytymen tańǵy 04:10-da Kanada men AQSh quramalary kezdesedi.

Shaıbaly hokkeıden Qazaqstan stýdentter quramasy dúrmekti dodaǵa 9 ret qatysty. 1993 jyly stýdentterimiz Ýnıversıadanyń qola júldegeri bolsa, 1995 jyly chempıon atandy. Odan keıin 2013, 2015, 2017 jyldary kúmis júldeni, 2007 jyly qola medaldi ıelendi.

Dastan KENJALIN,

ASTANA