تەننيسشىلەر ۇندىستانداعى جارىستىڭ جەڭىمپازى اتاندى

ءۇندىستاننىڭ كالكۋتتا قالاسىندا جاستار اراسىندا ەكىنشى ساناتتاعى ITF Juniors J200 ءتۋرنيرى مارەسىنە جەتتى.

ەراسىل ەردىلدا مەن ۆيتالي زاتسەپين جۇپتىق سىندا ۇزدىك شىقتى.

قازاقستاندىق دۋەت فينالدا جاپونيالىق ساتورا ناكادجيما مەن فيليپپيندىك دجوا رەي پوسكۋانى 6:2، 7:5 ەسەبىمەن ۇتتى.

قىزدار اراسىندا اسىلجان ارىستانبەكوۆا جەكەلەي سىندا شيرەك فينالعا دەيىن جەتتى. ال ايا نۇپبايمەن بىرگە جۇپتىق سىندا جارتىلاي فينالدا قارسىلاستارىنا ەسە جىبەردى.

ليتۆادا 14 جاسقا دەيىنگىلەر اراسىندا ءۇشىنشى ساناتتاعى Tennis Europe جارىسىندا ياروسلاۆ پشەنيچنىي جۇپتىق سىندا فيناليست اتاندى. ول لاتۆيالىق توماس دالدەريسپەن بىرگە سوڭعى باسەكەدە عانا ەستونيالىقتار كەن ينكا – لۋكاس راۋدكيۆيگە جول بەردى – 2:6، 4:6.

داستان كەنجالين،

استانا