Tennısshiler Úndistandaǵy jarystyń jeńimpazy atandy

Úndistannyń Kalkýtta qalasynda jastar arasynda ekinshi sanattaǵy ITF Juniors J200 týrnıri máresine jetti.

Erasyl Erdildá men Vıtalıı Zaepın juptyq synda úzdik shyqty.

Qazaqstandyq dýet fınalda japonııalyq Satora Nakadjıma men fılıppındik Djoa Reı Poskýany 6:2, 7:5 esebimen utty.

Qyzdar arasynda Asyljan Arystanbekova jekeleı synda shırek fınalǵa deıin jetti. Al Aııa Nupbaımen birge juptyq synda jartylaı fınalda qarsylastaryna ese jiberdi.

Lıtvada 14 jasqa deıingiler arasynda úshinshi sanattaǵy Tennis Europe jarysynda Iaroslav Pshenıchnyı juptyq synda fınalıst atandy. Ol latvııalyq Tomas Dalderıspen birge sońǵy básekede ǵana estonııalyqtar Ken Inka – Lýkas Raýdkıvıge jol berdi – 2:6, 4:6.

Dastan KENJALIN,

ASTANA