SportPress.kz Qazaqstan sport jańalyqtary
Belarýs eliniń bas qalasy Mınskide qazaq kúresinen VII álem chempıonaty túńligin túrdi. Álemniń 38 elinen palýandar jınalǵan doda bes salmaq dárejesinde ótedi. Dúnıejúzilik qazaq kúresi federaııasynyń uıytqy bolýymen ótip jatqan álem chempıonaty barysynda tóreshilerge arnalǵan semınar uıymdastyryldy.
Atalǵan federaııanyń bas hatshysy Nurlybek Ermaǵambetov shetelden kelgen komandalardaǵy tóreshilerge álem chempıonaty kezinde qalaı tórelik jasaý kerektigin túsindirdi. Ekrannan arnaıy daıyndalǵan beınejazba arqyly beldesýde tóreshilerdiń qazylyq etýde qandaı is-qımyl jasaý kerektigin aıtty.
Sheteldik tóreshiler de ózderiniń kókeıinde júrgen saýaldaryn joldap tushymdy jaýap aldy.
Dúnıejúzilik qazaq kúresi federaııasy tóreshiler alqasynyń tóraǵasy Mahmut-Baqyt Jańbyrbaev semınarda sóz alyp, sheteldik tóreshilerdiń qazaq kúresinen qazylyq etýge kádimgideı tóselip qalǵanyn jetkizdi. «Birikken kúres áleminiń» (UUW ) baǵdarlamasyna engizilgen bul álem chempıonaty barysynda qazylyq etetin tóreshiler aqıqattan attamaıdy dep sanaımyn. Qazaq kúresinen álem chempıonattary buǵan deıin alty ret ótkizildi. Tóreshilerge eshqashan ókpe-renish aıtylǵan emes. Bul joly da qazylar ádil tórelik etedi dep sanaımyn. О́tken aıda ǵana Túrkimenstanda jabyq keshendegi Azııa oıyndary boldy. Qazaq kúresi tuńǵysh ret jabyq keshendegi Azııa oıyndarynyń baǵdarlamasyna qosyldy. Mine osy doda kezinde sheteldik tóreshiler qazaq kúresi saıysynda óte jaqsy qazylyq etti. Eshqandaı da jańylysý, upaı berýde qatelesý bolǵan joq. Dúnıejúzilik qazaq kúresi federaııasy tól kúresimizdi álem elderine nasıhattap federaııalar ashyp, sol elderde kúresti damytý úshin tóreshilerdi de daıarlaýdy myqtap qolǵa aldy. Elimizdiń tájirıbesi tolysqan tóreshileri shetelderge baryp arnaıy semınar ótkizip, tájirıbelerimen bólisip júr. Sonyń nátıjesin kúni keshe Ashhabad kileminde kórdik. Mınskidegi álem chempıonatynda da tóreshiler biliktiligin pash etedi», dedi Mahmut-Baqyt Jańbyrbaev.
Qýanysh BAJAQ,
Mınsk qalasy (Belarýs)
