SportPress.kz قازاقستان سپورت جاڭالىقتارى
تەننيسشى ەلەنا رىباكينانىڭ ااستراليانىڭ اشىق چەمپيوناتىنىڭ جارتىلاي فينالىنداعى قارسىلاسى انىقتالدى.
رىباكينا مەلبۋرن كورتتارىندا 2012 جانە 2013 جىلدارى ەكى رەت جەكەلەي سىندا جەڭىسكە جەتكەن بەلارۋس سپورتشىسى ۆيكتوريا ازارەنكومەن كەزدەسەدى.
ۆيكتوريا ازارەنكو AusOpen چەمپيوناتىنىڭ ەكىنشى شيرەك فينالىندا الەمنىڭ ءۇشىنشى راكەتكاسى امەريكالىق دجەسسيكا پەگۋلادان 6:4، 6:1 ەسەبىمەن باسىم ءتۇستى. بەلارۋس تەننيسشىسى وسى تۋرنيردەگى ەڭ اتاقتى ءارى تاجىريبەلى سپورتشىلاردىڭ ءبىرى. ءبىر كەزدەرى ول الەمنىڭ ءبىرىنشى راكەتكاسى اتانسا، قازىر ايەلدەر رەيتينگىسىندە 24-ورىندا تۇر.
ازارەنكو 2012 جىلى ارالاس جۇپتا ماكسيم ميرنىيمەن وليمپيادا چەمپيونى اتانسا، جەكەلەي سىندا قولا جۇلدەگەر اتاندى. ءۇش رەت اقش-تىڭ اشىق چەمپيوناتىندا جەكەلەي سىندا فيناليست، ارالاس جۇپتا ەكى رەت «ۇلكەن دۋلىعا» ءتۋرنيرىنىڭ جەڭىمپازى بولدى. 30 WTA تۋرنيرىندە جەڭىسكە جەتتى.
داستان كەنجالين،
استانا
