SportPress.kz قازاقستان سپورت جاڭالىقتارى
بيىل 560 مىڭنان استام بالالار مەن جاسوسپىرىمدەر تەگىن سپورت سەكتسياسىمەن نەمەسە شىعارماشىلىق ۇيىرمەمەن قامتاماسىز ەتىلەدى. بۇل تۋرالى مادەنيەت جانە سپورت ءمينيسترى اسحات ورالوۆ ايتتى.
«بالالاردىڭ سپورتپەن، دەنە شىنىقتىرۋمەن تۇراقتى اينالىسۋىنا باسا نازار اۋدارىلادى. بۇقارالىق سپورتتى، ونىڭ ىشىندە سپورت سەكتسيالارى مەن شىعارماشىلىق ۇيىرمەلەردى دامىتۋ اسا ماڭىزدى. مەملەكەت باسشىسىنىڭ تاپسىرماسىنا سايكەس، بىلتىر مەملەكەتتىك تاپسىرىس اياسىندا 4 جاستان 17 جاسقا دەيىنگى 400 مىڭنان استام، ناقتىراق ايتساق 402 مىن بالا مەن ءجاسوسپىرىم شىعارماشىلىق ۇيىرمەلەر مەن سپورت سەكتسيالارىنا قاتىسقان بولاتىن»، — دەدى ول مينيسترلىكتىڭ كەڭەيتىلگەن القا وتىرىسىندا.
ونىڭ ايتۋىنشا، بۇل جوبا بيىل ءوز جالعاسىن تاپپادى.
«ناقتى ايتقاندا، بالالاردىڭ الەۋەتىن ارتتىرۋ ماقساتىندا وڭىرلەردە 86،7 ملرد تەڭگە قاراجات ءبولىنىپ، ناتيجەسىندە 560 مىڭنان استام بالالار مەن جاسوسپىرىمدەر تەگىن سپورت سەكتسياسىمەن نەمەسە شىعارماشىلىق ۇيىرمەمەن قامتاماسىز ەتىلەدى. ەندىگى كەزەكتە، وڭىرلەر پروتسەدۋرالىق ماسەلەلەردى جەدەلدەتىپ، تەز ارادا جۇمىسقا كىرىسۋ قاجەت. وسى ورايدا وبلىستىق سپورت باسقارماسىنىڭ باسشىلارىمەن بىرلەسىپ جۇمىس اتقارۋ، مەملەكەت باسشىسى تاپسىرماسىن ساپالى ورىنداۋ – ورتاق مىندەت دەپ بىلەمىن»، — دەدى اسحات ورالوۆ.
داستان كەنجالين،
استانا
